Panitanti maggasaccam. Imassa sannagatassa uttarim nissarananti imassa
vipassanasannasankhatassa sannagatassa uttarim nissaranam nama nibbanam, tam atthiti
imina nirodhasaccam dasseti. Vimuttasmim vimuttamiti nananti ekunavisatividham
paccavekkhanananam kathitam. Ahu pubbe lobhoti pubbe me lobho ahosi. Tadahu
akusalanti tam akusalam nama ahosi, tada va akusalam nama ahosi. Iccetam
kusalanti iti etam kusalam, tasseva akusalassa natthibhavam kusalam khemanti sandhaya
vadati. Nicchatoti nittanho. Nibbutoti abbhantare santapakaranam kilesanam
abhavena nibbuto. Sitibhutoti sitalibhuto. Sukhapatisamvediti kayikacetasikassa sukhassa
patisamvedita. Brahmabhutenati setthabhutena. Sesam sabbattha uttanamevati.
7. Kathavatthusuttavannana
[68] Sattame kathavatthuniti kathakaranani, kathaya bhumiyo patitthayoti
attho. Atitam va bhikkhave addhananti atitaddhanam nama kalopi vattati
khandhapi. Anagatapaccuppannesupi eseva nayo. Tattha atite kassapo nama
sammasambuddho ahosi, tassa kiki nama kasiraja aggupatthako ahosi,
visativassasahassani ayu ahositi imina nayena kathento atitam arabbha katham katheti
nama. Anagate metteyyo nama buddho bhavissati. Tassa sankho nama raja
aggupatthako bhavissati, asitivassasahassani ayu bhavissatiti imina nayena
kathento anagatam arabbha katham katheti nama. Etarahi asuko nama raja
dhammikoti imina nayena kathento paccuppannam arabbha katham katheti nama.
Kathasampayogenati kathaya samagamena. Kacchoti kathetum yutto. Akacchoti
kathetum na yutto. Ekamsabyakaraniyam panhantiadisu "cakkhu aniccan"ti putthena
"ama aniccan"ti ekamseneva byakatabbam. Eseva nayo sotadisu. Ayam
The Pali Atthakatha in Roman Character Volume 15 Page 205.
http://84000.org/tipitaka/read/attha_page.php?book=15&page=205&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=15&A=4727&modeTY=2&pagebreak=1
http://84000.org/tipitaka/atthapali/rm_line.php?B=15&A=4727&modeTY=2&pagebreak=1#p205
