บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 155.
Asankhatalakkhananiti asankhatam etanti sanjananakarananimittani. Na uppado pannayatiti- adihi uppadajarabhanganam abhavo vutto. Uppadadinanhi abhavena asankhatanti pannayati. 9. Pabbatarajasuttavannana [49] Navame mahasalati maharukkha. Kulapatinti kulajetthakam. Seloti silamayo. Arannasminti agamakatthane. Brahati mahanto. Vaneti ataviyam. Vanappatiti vanajetthaka. Idha dhammam caritvana, maggam sugatigaminanti sugatigamikamaggasankhatam dhammam caritva. 10. Atappakaraniyasuttavannana [50] Dasame atappam karaniyanti viriyam katum yuttam. Anuppadayati anuppadatthaya, anuppadam sadhessamiti 1- imina karanena kattabbanti attho. Paratopi eseva nayo. Saririkananti sarirasambhavanam. Dukkhananti dukkhamanam. Tibbananti bahalanam, tapavasena va tibbanam. Kharananti pharusanam. Katukananti tikhinanam. Asatananti amadhuranam. Amanapananti manam vaddhetum asamatthanam. Panaharananti jivitaharanam. Adhivasanayati adhivasanatthaya sahanatthaya khamanatthaya. Ettake thane sattha anapetva anattim pavattetva idani samadapento yato kho bhikkhavetiadimaha. Tattha yatoti yada. Atapiti viriyava. Nipakoti sappanno. Satoti satiya samannagato. Dukkhassa antakiriyayati vattadukkhassa paricchedaparivatumakiriyaya. Ime ca pana atapadayo tayopi lokiyalokuttaramissaka kathita. 11. Mahacorasuttavannana [51] Ekadasame mahacoroti mahanto balavacoro. Sandhinti gharasandhim. @Footnote: 1 Ma. anuppadanatthaya, anuppadanam anuppadessamitiThe Pali Atthakatha in Roman Character Volume 15 Page 155. http://84000.org/tipitaka/read/attha_page.php?book=15&page=155&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=3537&modeTY=2&pagebreak=1 http://84000.org/tipitaka/atthapali/rm_line.php?B=15&A=3537&modeTY=2&pagebreak=1#p155
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]