ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๑๓๒.

     กายิกา วาติ ปญฺจทฺวาริกกายํ โขภยมานา. เจตสิกา วาติ มโนทฺวารํ
โขภยมานา. โส ราโค ตถาคตสฺส ปหีโนติ ตถารูโป ราโค ตถาคตสฺส ปหีโนติ
อตฺโถ. โย ปน ตสฺส ราโค, น โส ตถาคตสฺส  ปหีโน นาม. โทสโมเหสุปิ
เอเสว นโย.
     พฺราหฺมโณติ พาหิตปาโป ขีณาสวพฺราหฺมโณ. ปรินิพฺพุโตติ กิเลสปรินิพฺพาเนน
ปรินิพฺพุโต. น ลิปฺปติ ๑- กาเมสูติ วตฺถุกาเมสุ กิเลสกาเมสุ จ ตณฺหาทิฏฺิเลเปหิ
๒- น ลิปฺปติ. สีติภูโตติ อพฺภนฺตเร ตาปนกิเลสานํ อภาเวน สีติภูโต.
นิรูปธีติ กิเลสูปธีนํ อภาเวน นิรูปธิ. สพฺพา อาสตฺติโย เฉตฺวาติ อาสตฺติโย
วุจฺจนฺติ ตณฺหาโย, ตา สพฺพาปิ รูปาทีสุ อารมฺมเณสุ อาสตฺตวิสตฺตา อาสตฺติโย
ฉินฺทิตฺวา. วิเนยฺย หทเย หรนฺติ หทยนิสฺสิตทรถํ วินยิตฺวา วูปสเมตฺวา. สนฺตึ
ปปฺปุยฺย เจตโสติ จิตฺตสฺส กิเลสนิพฺพานํ ปาปุณิตฺวา. กรณวจนํ วา เอตํ
"สพฺพเจตสา สมนฺนาหริตฺวา"ติอาทีสุ วิย, เจตสา นิพฺพานํ ปาปุณิตฺวาติ อตฺโถ.
                        ๖. เทวทูตสุตฺตวณฺณนา
     [๓๖] ฉฏฺเ เทวทูตานีติ เทวทูตา. อยํ ปเนตฺถ วจนตฺโถ:- เทโวติ มจฺจุ,
ตสฺส ทูตาติ เทวทูตา. ชิณฺณพฺยาธิมตา หิ สํเวคชนนฏฺเน "อิทานิ เต มจฺจุสมีปํ
คนฺตพฺพนฺ"ติ โจเทนฺติ วิย, ตสฺมา เทวทูตาติ วุจฺจนฺติ. เทวา วิย ทูตาติปิ
เทวทูตา. ยถา หิ อลงฺกตปฏิยตฺตาย เทวตาย อากาเส ตฺวา "ตฺวํ อสุกทิวเส
มริสฺสสี"ติ วุตฺเต ตสฺสา วจนํ สทฺธาตพฺพํ โหติ, เอวเมวํ ชิณฺณพฺยาธิมตาปิ
ทิสฺสมานา "ตฺวมฺปิ เอวํธมฺโม"ติ โจเทนฺติ วิย,  เตสญฺจ ตํ วจนํ อนญฺถาภาวิตาย
เทวตาย พฺยากรณสทิสเมว โหตีติ เทวา วิย ทูตาติ เทวทูตา. วิสุทฺธิเทวานํ วา
ทูตาติปิ เทวทูตา. สพฺพโพธิสตฺตา หิ ชิณฺณพฺยาธิมตปพฺพชิเต ทิสฺวาว สํเวคํ
อาปชฺชิตฺวา
@เชิงอรรถ:  ฉ.ม.  ลิมฺปติ.เอวมุปริปิ           ม.  ตณฺหาทิฏฺิกิเลเสหิ



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๑๓๒. http://84000.org/tipitaka/read/attha_page.php?book=15&page=132&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=2982&pagebreak=1 http://84000.org/tipitaka/atthapali/th_line.php?B=15&A=2982&pagebreak=1#p132


จบการแสดงผล หน้าที่ ๑๓๒.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]