อรรถกถาเล่มที่ ๑๕ ภาษาบาลี อักษรไทย
องฺ.อ. (มโนรถ.๒)
หน้าที่ ๑๐๕.

      สีลสามญฺญคตานํ สตนฺติ สีเลน สมานภาวํ คตานํ สนฺตานํ. สีลกถา จ
โน ภวิสฺสตีติ เอวํ สมสีลานํ อมฺหากํ สีลเมว อารพฺภ กถา ภวิสฺสติ. สา จ
โน ปวตฺตินี ภวิสฺสตีติ สา จ อมฺหากํ กถา ทิวสํปิ กเถนฺตานํ ปวตฺติสฺสติ น
ปฏิหญฺญิสฺสติ. สา จ โน ผาสุ ภวิสฺสตีติ สา จ ทิวสํปิ ปวตฺตมานา สีลกถา
อมฺหากํ ผาสุวิหาโร สุขวิหาโร ภวิสฺสติ. สมาธิปญฺญากถาสุปิ เอเสว นโย.
      สีลกฺขนฺธนฺติ สีลราสึ. ตตฺถ ตตฺถ ปญฺญาย อนุคฺคเหสฺสามีติ เอตฺถ
สีลสฺส อสปฺปาเย อนุปกาเร ธมฺเม วชฺเชตฺวา สปฺปาเย อุปกาเร ธมฺเม เสวนฺโต
ตสฺมึ ตสฺมึ ฐาเน สีลกฺขนฺธํ ปญฺญาย อนุคฺคณฺหาติ นาม. สมาธิปญฺญากฺ-
ขนฺเธสุปิ เอเสว นโย. นิหียตีติ อตฺตโน หีนตรํ ปุคฺคลํ เสวนฺโต ขารปริสฺสาวเน
อาสิตฺตอุทกํ วิย สตตํ สมิตํ หายติ ปริหายติ. ตุลฺยเสวีติ อตฺตนา สมานเสวี.
เสฏฺฐมุปนมนฺติ เสฏฺฐปุคฺคลํ อุปนมนฺโต. ๑- อุเทติ ขิปฺปนฺติ ขิปฺปเมว วฑฺฒติ.
ตสฺมา อตฺตโน อุตฺตรึ ภเชถาติ ยสฺมา เสฏฺฐํ ปุคฺคลํ อุปนมนฺโต อุเทติ ขิปฺปํ,
ตสฺมา อตฺตโน อุตฺตรึ ๒- อุตฺตริตรํ วิสิฏฺฐตรํ ภเชถ.
                       ๗. ชิคุจฺฉิตพฺพสุตฺตวณฺณนา
      [๒๗] สตฺตเม ชิคุจฺฉิตพฺโพติ คูถํ วิย ชิคุจฺฉิตพฺโพ. อถโข นนฺติ อถโข
อสฺส. กิตฺติสทฺโทติ กถาสทฺโท. เอวเมว โขติ เอตฺถ คูถกูโป วิย ทุสฺสีลฺยํ
คูถกูเป ปติตฺวา ฐิโตว ธมฺมนิอหิ วิย ทุสฺสีลปุคฺคโล. ทฏฺฐพฺพํ. คูถกูปโต
อุทฺธริยมาเนน เตน อหินา ปุริสสฺส สรีรํ อารุเฬฺหนาปิ อทฏฺฐภาโว วิย
ทุสฺสีลํ เสวมานสฺสาปิ ตสฺส กิริยาย อกรณภาโว. สรีรํ คูเถน มกฺขิตฺวา ๓- อหินา
คหิตกาโล ๔- วิย ทุสฺสีลํ เสวมานสฺส ปาปกิตฺติสทฺทอพฺภุคฺคมนกาโล เวทิตพฺโพ.
@เชิงอรรถ: ๑ สี. โอณมนฺโต ปณมนฺโต, ฉ.ม. โอณมนฺโต  ๒ ฉ.ม. อยํ ปาโฐ น ทิสฺสติ
@๓ ฉ.ม.,อิ. มกฺเขตฺวา  ๔ ฉ.ม. คตกาโล


เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๑๐๕.
http://84000.org/tipitaka/read/attha_page.php?book=15&page=105&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=15&A=2347&modeTY=2&pagebreak=1
http://84000.org/tipitaka/atthapali/th_line.php?B=15&A=2347&modeTY=2&pagebreak=1#p105