อรรถกถาเล่มที่ ๑๔ หน้าที่ ๗๖.

๙. ปมาทาทิวคฺควณฺณนา [๘๑] นวมสฺสาปิ ปฐมํ อตฺถุปฺปตฺติยเมว กถิตํ. สมฺพหุลา กิร ภิกฺขู ธมฺมสภายํ สนฺนิสินฺนา กุมฺภโฆสกํ อารพฺภ "อสุกํ นาม กุลํ ปุพฺเพ อปฺปยสํ อปฺปปริวารํ อโหสิ, อิทานิ มหายสํ มหาปริวารํ ชาตนฺ"ติ กถยึสุ. สตฺถา ปุริมนเยเนว อาคนฺตฺวา เตสํ วจนํ สุตฺวา อิมํ สุตฺตํ อารภิ. ตสฺสตฺโถ เหฏฺฐา วุตฺตนเยเนว เวทิตพฺโพ. [๘๒] ทุติยาทีสุ มหโต อนตฺถายาติ มหนฺตสฺส อนตฺถสฺส อตฺถาย. เสสเมตฺถ อุตฺตานเมวาติ. ปมาทาทิวคฺควณฺณนา นิฏฺฐิตา. นวโม วคฺโค. ------------ ๑๐. ทุติยปมาทาทิวคฺควณฺณนา [๙๘] ทสเม วคฺเค อชฺฌตฺติกนฺติ นิยกชฺฌตฺตวเสน อชฺฌตฺติกํ. องฺคนฺติ การณํ. อิติ กริตฺวาติ เอวํ กตฺวา. อิทํ วุตฺตํ โหติ:- ภิกฺขเว อชฺฌตฺตํ ปจฺจตฺตํ อตฺตโน สนฺตาเน สมุฏฺฐิตํ การณนฺติ กตฺวา น อญฺญํ เอกํ การณํ สมนุปสฺสามีติ. [๑๑๐-๑๑๔] พาหิรนฺติ อชฺฌตฺตสนฺตานโต พหิภาวํ. สทฺธมฺมสฺสาติ สุธมฺมสฺส, สาสนสฺสาติ อตฺโถ. สมฺโมสายาติ วินาสาย. อนฺตรธานายาติ อปญฺญาปนตฺถาย. ^๑- [๑๑๕] ฐิติยาติ จิรฏฺฐิตตฺถํ. อสมฺโมสาย อนนฺตรธานายาติ วุตฺตปฏิปกฺข- นเยเนว เวทิตพฺโพ. ^๒- เสสเมตฺถ จตุโกฏิเย ^๓- วุตฺตนยเมว. @เชิงอรรถ: ^๑ สี.,อิ. อปฺปญฺญาณตฺถาย, ฉ. อปญฺญาณตฺถาย, ม. อปญฺญายนตฺถาย @^๒ ฉ.ม.,อิ. เวทิตพฺพํ ^๓ ฉ.ม.,อิ. จตุกฺโกฏิเก

เนื้อความอรรถกถาฉบับภาษาบาลี อักษรไทย เล่มที่ ๑๔ หน้าที่ ๗๖. http://84000.org/tipitaka/read/attha_page.php?book=14&page=76&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=14&A=1772&modeTY=2&pagebreak=1 http://84000.org/tipitaka/atthapali/th_line.php?B=14&A=1772&modeTY=2&pagebreak=1#p76