อรรถกถาเล่มที่ ๑๔ หน้าที่ ๔๘.

๔. อทนฺตวคฺควณฺณนา [๓๑] จตุตฺถสฺส ปเม อทนฺตนฺติ สวิเสวนํ อทนฺตหตฺถิอสฺสาทิสทิสํ. จิตฺตนฺติ วฏฺฏวเสน อุปฺปนฺนจิตฺตเมว. [๓๒] ทุติเย ทนฺตนฺติ นิพฺพิเสวนํ ทนฺตหตฺถิอสฺสาทิสทิสํ. อิมสฺมึ สุตฺตทฺวเย วฏฺฏวิวฏฺฏวเสน อุปฺปนฺนจิตฺตเมว กถิตํ. ยถา เจตฺถ, เอวํ อิโต ปเรสุปีติ. [๓๓] ตติเย อคุตฺตนฺติ อโคปิตํ สติสํวรรหิตํ อคุตฺตหตฺถิอสฺสาทิสทิสํ. [๓๔] จตุตฺเถ คุตฺตนฺติ โคปิตํ อวิสฺสฏฺสติสํวรํ คุตฺตหตฺถิอสฺสาทิสทิสํ. [๓๕-๓๖] ปญฺจมฉฏฺานิ อรกฺขิตํ รกฺขิตนฺติ ^๑- ปทวเสน พุชฺฌนกานํ อชฺฌาสเยน วุตฺตานิ. อตฺโถ ปเนตฺถ ปุริมสทิโสเยว. [๓๗-๓๘] สตฺตอฏฺเมสุปิ เอเสว นโย. อุปมา ปเนตฺถ อสํวุตฆรทฺวาราทิวเสน เวทิตพฺพา. [๓๙-๔๐] นวมทสมานิ จตูหิปิ ปเทหิ โยเชตฺวา วุตฺตานิ. อิมสฺมึ วคฺเค วฏฺฏวิวฏฺฏเมว กถิตนฺติ. อทนฺตวคฺควณฺณนา นิฏฺิตา. จตุตฺโถ วคฺโค. ------------------ @เชิงอรรถ: ^๑ ก. เอกเมว "อรกฺขิตํ"อิติ ปทํ ทิสฺสติ

เนื้อความอรรถกถาฉบับภาษาบาลี อักษรไทย เล่มที่ ๑๔ หน้าที่ ๔๘. http://84000.org/tipitaka/read/attha_page.php?book=14&page=48&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=14&A=1131&pagebreak=1 http://84000.org/tipitaka/atthapali/th_line.php?B=14&A=1131&pagebreak=1#p48