romanATTHA book 13 Page 61.

Dasame na hotīti vuccamāne bujjhanakānaṃ ajjhāsayena ^1- vuttaṃ. Dvīsupi cetesupi vipākasukhadukkhameva dassetvā vaṭṭavivaṭṭaṃ kathitanti. Samuddavaggo niṭṭhito. --------------- 19. 4. Āsīvisavagga 1. Āsīvisopamasuttavaṇṇanā [238] Āsīvisavaggassa paṭhame "bhikkhū āmantesī"ti ekacārikadvicārikaticārika- catucārikapañcacārike sabhāgavuttino kārake yuttapayutte sabbepi dukkhalakkhaṇakammaṭṭhānike parivāretvā nisinne yogāvacare bhikkhū āmantesi. Idaṃ hi suttaṃ puggalajjhāsayena vuttaṃ. Puggalesupi ugghaṭitaññūnaṃ ^2- disāvāsikānaṃ dukkhalakkhaṇakammaṭṭhānikānaṃ upaṭṭhānavelāyaṃ āgantvā satthāraṃ parivāretvā nisinnānaṃ vasena vuttaṃ. Evaṃ santepi ugghaṭitaññūādīnaṃ catunnampi puggalānaṃ paccayabhūtamevetaṃ. Ugghaṭitaññū puggalo hi imassa suttassa mātikānikkhepeneva arahattaṃ pāpuṇissati, vipañcitaññū mātikāya vitthārabhājanena, neyyapuggalo imameva suttaṃ sajjhāyanto paripucchanto yonisomanasikaronto kalyāṇamitte sevanto bhajanto payirupāsanto arahattaṃ pāpuṇissati, padaparamassetaṃ suttaṃ anāgate vāsanā bhavissatīti evaṃ sabbesampi upakārabhāvaṃ ñatvā bhagavā sineruṃ ukkhipanto viya ākāsaṃ vitthārento viya cakkavāḷapabbataṃ kampento viya ca mahantena ussāhena seyyathāpi bhikkhaveti imaṃ āsīvisopamasuttaṃ ārabhi. Tattha cattāro āsīvisāti kaṭṭhamukho pūtimukho aggimukho satthamukhoti ime cattāro. Tesu kaṭṭhamukhena daṭṭhassa sakalasarīraṃ sukkhakaṭṭhaṃ viya @Footnote: ¹ cha.Ma. ajjhāsayavasena ² cha.Ma. vipañcitaññū

The Pali Atthakatha in Roman Character Volume 13 Page 61. http://84000.org/tipitaka/read/attha_page.php?book=13&page=61&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=1304&pagebreak=1 http://84000.org/tipitaka/atthapali/rm_line.php?B=13&A=1304&pagebreak=1#p61