บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Sam.A. (sarattha.3) Page 59.
Apunabbhavayati nibbanatthaya. Mohayi maccurajanti yathassa gatim na janati, evam maccurajanam mohetva gato. Tatiyam vuttanayameva. 4-6. Khirarukkhopamasuttadivannana [231-233] Catutthe appahinatthena atthi, tenevaha so appahinoti. Parittati pabbatamattampi hi rupam adittham arajaniyam parittam nama hoti, evarupapissa rupa cittam pariyadiyantiti dasseti. Ko pana vado adhimattananti ittharammanam panassa rajaniyam vatthu cittam pariyadiyissatiti ettha ka katha. Ettha ca nakhapitthippamanampi manimuttadirajaniyam vatthuadhimattarammanamevati veditabbam. Daharotiadini tinipi annamannam vevacananeva. Abhindeyyati 1- pahareyya padaleyya va. Pancame tadubhayanti tam ubhayam. Chattham uttanameva. 7. Udayisuttavannana [234] Sattame anekapariyayenati anekehi karanehi. Itipayanti itipi ayam. Imasmim sutte aniccena anattalakkhanam kathitam. 8. Adittapariyayasuttavannana [235] Atthame anubyanjanaso nimittaggahoti "hattha sobhana pada sobhana"ti evam anubyanjanavasena nimittaggaho. Nimittaggahoti hi samsandetva gahanam, anubyanjanaggahoti vibhattigahanam. Nimittaggaho kumbhilasadiso sabbameva ganhati, anubyanjanaggaho rattapasadiso vibhajitva hatthapadadisu tam tam kotthasam. Ime pana dve gaha ekajavanavarepi labbhanti, nanajavanavare vattabbameva natthi. @Footnote: 1 Si.,ka. bhindeyyatiThe Pali Atthakatha in Roman Character Volume 13 Page 59. http://84000.org/tipitaka/read/attha_page.php?book=13&page=59&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=1261&modeTY=2&pagebreak=1 http://84000.org/tipitaka/atthapali/rm_line.php?B=13&A=1261&modeTY=2&pagebreak=1#p59
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]