Kilesuppattiya karanabhavena sadosagamanena gacchatiti samuddanatthenapi samuddo.
Tassa rupamayo vegoti samuddassa appamano umimayo vego viya tassapi
cakkhusamuddassa samosarantassa niladibhedassa arammanassa vasena appameyyo
rupamayo vego veditabbo. Yo tam rupamayam vegam sahatiti yo tam cakkhusamudde
samosadam rupamayam vegam, manape rupe ragam, amanape dosam, asamapekkhite
mohanti evam ragadikilese anuppadento upekkhakabhavena sahati.
Saumintiadisu kilesaumiti saumim. Kilesavattehi savattam. Kilesaggahehi
sagaham. Kilesarakkhasehi sarakkhasam. Kodhupayasassa ca vasena saumim. Vuttam hetam
"umibhayanti kho bhikkhave kodhupayasassetam adhivacanan"ti. 1- Kamagunavasena savattam.
Vuttam hetam "avattagga hoti kho bhikkhave pancannetam kamagunanam adhivacanan"ti. 2-
Matugamavasena sagaham sarakkhasam. Vuttam hetam "gaharakkhasoti kho bhikkhave
matugamassetam adhivacanan"ti. 3- Sesavaresupi eseva nayo. Sabhayam duttaram accatariti
umibhayena sabhayam duratikkamam atikkami. Lokantaguti sankharalokassa antam gato.
Param gatoti vuccatiti nibbanam gatoti kathiyyati.
2-3. Dutiyasamuddasuttadivannana
[229-230] Dutiye samuddoti samuddanatthena samuddo, kilesanatthena
temanatthenati vuttam hoti. Yebhuyyenati thapetva ariyasavake. Samuddati 4-
kilinna tinta nimugga. Kanta kulakajatatiadi hettha vittharitameva.
Maccujahoti tayo maccu jahitva thito. Nirupadhiti tihi upadhihi anupadhi.
@Footnote: 1 khu. iti. 25/109/327, Ma.Ma. 13/162/134, an. catukka. 21/122/14
@2 sam. sala. 18/323/225 (sya) 3 khu. iti. 25/109/328 4 cha. samunnati
The Pali Atthakatha in Roman Character Volume 13 Page 58.
http://84000.org/tipitaka/read/attha_page.php?book=13&page=58&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=13&A=1240&modeTY=2&pagebreak=1
http://84000.org/tipitaka/atthapali/rm_line.php?B=13&A=1240&modeTY=2&pagebreak=1#p58
