บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Sam.A. (sarattha.3) Page 54.
Sammadannaya parinibbantiti arahattapannaya samma janitva anantarameva anasava hutva kilesaparinibbanena parinibbanti. Athava sammadannaya anasava hutva ante khandhaparinibbanena parinibbayanti. 4-12. Dutiyaruparamasuttadivannana [137-145] Catuttham suddhikam katva desiyamane bujjhanakanam ajjhasayena vuttam. Pancamadini tatha tatha bujjhantanam ajjhasayena vuttani. Attho pana tesam pakatoyevati. Devadahavaggo catuttho. ---------------- 15. 5. Navapuranavagga 1. Kammanirodhasuttavannana [146] Navapuranavaggassa pathame navapurananiti navani ca puranani ca. Cakkhum bhikkhave puranakammanti na cakkhu puranam, kammameva puranam, kammato pana nibbattatta paccayanamena evam vuttam. Abhisankhatanti paccayehi abhisamagantva katam. Abhisancetayitanti cetanaya pakappitam. Vedaniyam datthabbanti vedanaya vatthuti passitabbam. Nirodha vimuttim phusatiti imassa tividhakammassa nirodhena vimuttim phusati. Ayam vuccatiti ayam tassa vimuttiya arammanabhuto nirodho kammanirodhoti vuccati. Iti imasmim sutte pubbabhagavipassana kathita. 2-5. Aniccanibbanasappayasuttadivannana [147-150] Dutiye nibbanasappayanti nibbanassa sappayam upakarapatipadam. Tatiyadisupi eseva nayo. Patipatiya pana catusupi etesu suttesu saha vipassanaya cattaro magga kathita.The Pali Atthakatha in Roman Character Volume 13 Page 54. http://84000.org/tipitaka/read/attha_page.php?book=13&page=54&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=1155&modeTY=2&pagebreak=1 http://84000.org/tipitaka/atthapali/rm_line.php?B=13&A=1155&modeTY=2&pagebreak=1#p54
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]