Iti imasmim sutte tevisati dhatuyo kathita. Katham? ettha hi cakkhuppasado
cakkhudhatu, tassarammana rupadhatu, cakkhuvinnanam vinnanadhatu, cakkhuvinnanadhatuya
sahajata tayo khandha dhammadhatu, evam pancasu dvaresu catunnam catunnam vasena
visati. Manodvare "manodhatu"ti avajjanacittam gahitam, arammananceva hadayavatthunca
dhammadhatu, vatthunissitam cittam manovinnanadhatuti evam tevisati honti. Evam
tevisatiya dhatunam vasena dhatunanattam vuttam bhagavatati dasseti.
7-8. Haliddikanisuttadivannana
[130-131] Sattame manapam itthetanti pajanatiti yam anena 1-
manapam rupam dittham, tam itthetanti evameva tam manapameva tanti pajanati.
Cakkhuvinnanam sukhavedaniyanca phassam paticcati cakkhuvinnananceva yo ca
upanissayakotiya va anantarakotiya va samanantarakotiya va sampayuttakotiya
va sukhavedanaya paccayo phasso, tam sukhavedaniyam phassam ca paticca uppajjati
sukhavedanati. Esa nayo sabbattha. Iti imesu dvisu suttesu kiriyamanovinnanadhatu
avajjanakicca, manodhatuyeva va samana manodhatu namena vuttati veditabba.
Atthamam uttanameva.
9. Lohiccasuttavannana
[132] Navame makkarakateti evamnamake nagare. Arannakutikayanti aranne
kataya patiyekkaya kutiyam, na viharapaccantakutiyam. Manavakati yepi tattha mahallaka,
te mahallakakalepi antevasikataya manavakatveva vutta. Tenupasankamimsuti pato
sippam ugganahitva sayam "acariyassa katthani aharissama"ti arannam pavisitva
vicaranta yena sa kutika, tenupasankamimsu. Parito parito kutikayati tassa
@Footnote: 1 ka. manena
The Pali Atthakatha in Roman Character Volume 13 Page 48.
http://84000.org/tipitaka/read/attha_page.php?book=13&page=48&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=13&A=1022&modeTY=2&pagebreak=1
http://84000.org/tipitaka/atthapali/rm_line.php?B=13&A=1022&modeTY=2&pagebreak=1#p48
