ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๓ ภาษาบาลี อักษรไทย สํ.อ. (สารตฺถ.๓)

หน้าที่ ๓๘๕.

                        ๔. กูฏาคารสุตฺตวณฺณนา
    [๑๑๑๔] จตุตฺเถ เหฏฺฐิมํ ฆรํ อกริตฺวาติ ถมฺภภิตฺติปาทุสฺสาปนาทินา
ฆรสฺส เหฏฺฐิมภาคํ อกตฺวา.
                         ๕. วาลสุตฺตวณฺณนา
    [๑๑๑๕] ปญฺจเม สณฺฐาคาเรติ สิปฺปุคฺคณฺหนสาลายํ. อุปาสนํ กโรนฺเตติ
กณฺฑขิปนสิปฺปํ ๑- กโรนฺเต. อสนํ อติปาเตนฺเตติ กณฺฑํ อติกฺกเมนฺเต.
โปงฺขานุโปงฺขนฺติ เอกํ กณฺฑํ ขิปิตฺวา ๒- ยถา อปรนฺตสฺส วิชฺฌติ อปรํ โปงฺขํ นาม
ทุติยสฺส โปงฺขํ, ปุน อปรํ อนุโปงฺขํ พหุ ปุน อปรํ ตสฺส โปงฺขนฺติ ๒- เอวํ
อติปาเตนฺเต อทฺทส. ยตฺร หิ นามาติ เย นาม. ทุรภิสมฺภวตรนฺติ ทุกฺกรตรํ.
สตฺตธา ๓- ภินฺนสฺส วาลสฺส โกฏิยา โกฏึ ปฏิวิชฺเฌยฺยาติ เอกํ วาลํ สตฺตธา
ภินฺทิตฺวา ตสฺส เอกํ เภทํ คเหตฺวา วาตึ คณมชฺเฌ พนฺธิตฺวา อปรํ เภทํ
กณฺฑสฺส อคฺคโกฏิยํ พนฺธิตฺวา อุสภมตฺเต ๔- ฐิโต กณฺฑพทฺธาย โกฏิยา ตํ วาติ
คณพทฺธโกฏึ ปฏิวิชฺเฌยฺยาติ อตฺโถ. ตสฺมาติ ยสฺมา เอวํ ทุปฺปฏิวิชฺฌานิ
จตฺตาริ สจฺจานิ, ตสฺมา.
                      ๗. ปฐมฉิคฺคฬยุคสุตฺตวณฺณนา
    [๑๑๑๗] สตฺตเม อญฺญมญฺญขาทิกาติ อญฺญมญฺญํ ขาทนํ. ทุพฺพลขาทิกาติ
พลวนฺเตหิ มจฺฉาทีหิ ทุพฺพลานํ มจฺฉาทีนํ ขาทนํ.
@เชิงอรรถ:  สี. กณฺฑขิปนสิกฺขนํ
@๒-๒ ฉ.ม. ยถา อสฺสสรสฺส โปงฺขํ วิชฺฌติ,อปรํ อนุโปงฺขํ นาม ทุติยสฺส โปงฺขํ,
@ปุน อปรํ ตสฺส โปงฺขนฺติ    ม. สตธา   สี.,ก. อุสภมคฺเค



เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๓๘๕. http://84000.org/tipitaka/read/attha_page.php?book=13&page=385&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=8372&modeTY=2&pagebreak=1 http://84000.org/tipitaka/atthapali/th_line.php?B=13&A=8372&modeTY=2&pagebreak=1#p385


จบการแสดงผล หน้าที่ ๓๘๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]