Seto atthinam setatta, balaka ratta lohitassa rattatta"ti evamadika
lokayatavitandasallapakatha. Samuddakkhayika nama "kasma samuddo sagaro, 1-
sagaradevena khatatta 2- sagaro, khato meti hatthamuddaya niveditatta
samuddo"ti evamadika niratthakasamuddakkhayikakatha. Iti bhavo iti abhavoti yam va
tam va niratthakakaranam vatva pavattitakatha itibhavabhavakatha. Ettha ca bhavoti
sassatam, abhavoti ucchedam. Bhavoti vuddhi, abhavoti hani. Bhavoti kamasukham,
abhavoti attakilamatho. Iti imaya chabbidhaya itibhavabhavakathaya saddhim battimsa
tiracchanakatha nama honti. Sesam sabbattha uttanamevati.
Pathamo vaggo.
---------
2. Dhammacakkappavattanavagga
1. Dhammacakkappavattanasuttavannana
[1081] Dutiyassa pathame baranasiyanti evamnamake nagare. Isipatane
migadayeti isinam patanuppatanavasena evamladdhaname miganam abhayadanavasena
dinnatta migadayasankhate arame. Ettha hi uppannuppanna sabbannuisayo
patanti, dhammacakkappavattanattham nisidantiti attho. Nandamulakapabbharato
sattahaccayena nirodhasamapattito vutthita anottadahe katamukhadhovanadikicca
akasena agantva paccekabuddhaisayopettha osaranavasena patanti, uposathatthanca
anuposathatthanca sannipatanti, gandhamadanam patigacchantapi tatova uppatantiti imina
isinam patanuppatanavasena tam "isipatanan"ti vuccati.
@Footnote: 1 ka. samuddo 2 cha.Ma. khanitatta
The Pali Atthakatha in Roman Character Volume 13 Page 378.
http://84000.org/tipitaka/read/attha_page.php?book=13&page=378&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=13&A=8224&modeTY=2&pagebreak=1
http://84000.org/tipitaka/atthapali/rm_line.php?B=13&A=8224&modeTY=2&pagebreak=1#p378
