บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Sam.A. (sarattha.3) Page 371.
10. Nandiyasakkasuttavannana [1036] Dasame diva pavivekaya rattim patisallanayati diva pavivekatthaya rattim patisallanatthaya. Dhamma na patubhavantiti samathavipassanadhamma na uppajjanti. Sesam sabbattha uttanatthamevati. Punnabhisandavaggo catuttho. ------------- 5. Sagathakapunnabhisandavagga 1. Pathamaabhisandasuttavannana [1037] Pancamassa pathame asankhyeyyoti alhakagananaya 1- asankhyeyyo, yojanavasena panassa sankhya atthi. Bahubheravanti savinnanakaavinnanakanam bheravarammananam vasena bahubheravam. Puthuti bahu. Savantiti sandamana. Upayantiti upagacchanti. 2. Dutiyaabhisandasuttavannana [1038] Dutiye yatthima mahanadiyo samsandanti samentiti yasmim sambhede, 2- eta mahanadiyo ekibhavanti, nirantara bhavantiti attho. 3. Tatiyaabhisandasuttavannana [1039] Tatiye punnakamoti punnatthiko. Kusale patitthitoti maggakusale patitthito. Bhaveti maggam amatassa pattiyati nibbanassa papunanattham arahattamaggam bhaveti. Dhammasaradhigamoti dhammasaro vuccati ariyaphalam dhammasaro adhigamo 3- assati dhammasaradhigamo, adhigataphaloti attho. Khaye ratoti kilesakkhaye rato. @Footnote: 1 Si. salakagananaya 2 Si.,Ma. sambhijje 3 Si. ariyaphaladhammasaro, so adhigamoThe Pali Atthakatha in Roman Character Volume 13 Page 371. http://84000.org/tipitaka/read/attha_page.php?book=13&page=371&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=8085&modeTY=2&pagebreak=1 http://84000.org/tipitaka/atthapali/rm_line.php?B=13&A=8085&modeTY=2&pagebreak=1#p371
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]