บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Sam.A. (sarattha.3) Page 355.
3-10. Pathamaanandasuttadivannana [989-996] Tatiye pavicinatiti aniccadivasena pavicinati. Itaram padadvayam etasseva vevacanam. Niramisati nikkilesa. Kayikacetasikadarathapatippassaddhiya kayopi cittampi passambhati. Samadhiyatiti samma thapiyati, appanacittam 1- viya hoti. Ajjhupekkhita hotiti sahajataajjhupekkhanaya ajjhupekkhita hoti. Evam cuddasavidhena kayapariggahakassa bhikkhuno tasmim kaye 2- sati satisambojjhango, taya satiya sampayuttananam dhammavicayasambojjhango, tam sampayuttameva kayikacetasikaviriyam viriyasambojjhango, pitipassaddhicittekaggata pitipassaddhisamadhisambojjhanga imesam channam bojjhanganam anosakkanaanativattana- sankhato majjhattakaro upekkhasambojjhango. Yatheva hi samappavattesu assesu sarathino "ayam oliyati"ti tudanam va, "ayam atidhavati"ti akaddhanam va natthi, kevalam evam passamanassa thitakarova hoti, evameva imesam channam bojjhanganam anosakkanaanativattanasankhato majjhattakaro upekkhasambojjhango nama hoti. Ettavata kim kathitam? ekacittakkhanika nama 3- sallakkhana vipassana bojjhanga 3- nama kathita. Vivekanissitantiadini vuttatthaneva. Ettha pana solasakkhattuka anapanassati missaka kathita, anapanamulaka satipatthana pubbabhaga tesam mulabhuta anapanassatipubbabhaga. Bojjhangamulaka satipatthana pubbabhaga, tepi bojjhanga pubbabhagava vijjavimuttipuraka pana bojjhanga nibbattitalokuttara, vijjavimuttiyo ariyaphalasampayutta. Vijja samanaparicchedana. Va catutthamaggasampayutta, vimuttiphalasampayuttati. Catutthapancamachatthanipi iminava sesam sabbattha uttanamevati. Anapanasamyuttavannana ----------- @Footnote: 1 appanapattam (?) 2 Ma. samaye 3-3 cha.Ma. nanasarasalakkhana vipassanabojjhangaThe Pali Atthakatha in Roman Character Volume 13 Page 355. http://84000.org/tipitaka/read/attha_page.php?book=13&page=355&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=7732&modeTY=2&pagebreak=1 http://84000.org/tipitaka/atthapali/rm_line.php?B=13&A=7732&modeTY=2&pagebreak=1#p355
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]