บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Sam.A. (sarattha.3) Page 354.
Rathena va pamsupunjassa upahananam viya kayanupassanadihi papakanam akusalanam dhammanam upaghato veditabboti. Ekadhammavaggo pathamo. -------------- 2. Dutiyavagga 1-2. Icchanangalasuttadivannana [987-988] Dutiyavaggassa pathame evam byakareyyathati kasma attano viharasamapattim acikkhati? uparambhamocanattham. Sace hi te "na janama"ti vadeyyum, atha nesam titthiya "tumhe `asukasamapattiya nama no sattha temasam vihasi'tipi na janatha, atha kasma nam upatthahanta viharatha"ti uparambham aropeyyum, tato mocanattham evamaha. Atha kasma yatha annattha "satova assasati, digham va assasanto"ti 1- evavakaro vutto, evam idha na vuttoti? ekantasantatta. Annesanhi assaso va pakato hoti passaso va, bhagavato ubhayam cetam 2- pakatameva niccam upatthitassatitayati ekantasantata na vutto. Atha "sikkhami"ti avatva kasma "assasami"ti ettakameva vuttanti? sikkhitabbabhava. Satta hi sekha sikkhitabbabhava sekha nama, khinasava asikkhitabbabhava asekha nama, tathagata asikkhitabba asekha nama natthi tesam sikkhitabbakiccanti sikkhitabbabhava na vuttam. Dutiyam uttanameva. @Footnote: 1 di.maha. 10/374/248, Ma.mu. 12/107/77, sam.maha. 19/977/269 2 cha.Ma. ubhayampetamThe Pali Atthakatha in Roman Character Volume 13 Page 354. http://84000.org/tipitaka/read/attha_page.php?book=13&page=354&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=7712&modeTY=2&pagebreak=1 http://84000.org/tipitaka/atthapali/rm_line.php?B=13&A=7712&modeTY=2&pagebreak=1#p354
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]