ATTHAKATHA Book 13 : PALI ROMAN
Sam.A. (sarattha.3)
Page 35.

Dure pavuccati. Ghatvati ghayitva. Bhotvati bhutva sayitva lehitva. Phussati
phusitva. Patissatoti patissatisankhataya satiya yutto. Sevato capi vedananti
catumaggasampayuttam nibbattitalokuttaravedanam sevantassa. Khiyyatiti khayam gacchati, kim
tam? dukkhampi kilesajatampi. Annataroti asitiya mahasavakanam abbhantaro eko.
Iti imasmim sutte gathahipi vattavivattameva kathitam.
                       3. Parihanadhammasuttavannana
      [96] Tatiye parihanadhammanti parihanasabhavam. Abhibhayatananiti abhibhavitani
ayatanani. Sarasankappati ettha sarantiti sara, dhavantiti attho. Sara ca te sankappa
ca sarasankappa. Sannojaniyati bandhaniya bandhanassa paccayabhuta. Tance bhikkhuti
tam evam uppannakilesajatam, tam va arammanam. Adhivasetiti citte aropetva
vaseti. Nappajahatiti chandaragappahanena na pajahati. Evam sabbapadehi yojetabbam.
Abhibhayatanam hetam vuttam bhagavatati etam buddhena bhagavata abhibhavitam ayatananti
kathitam. Idha dhammam pucchitva vibhajantena puggalena dhammo dassito.
                       4. Pamadaviharisuttavannana
      [97] Catutthe asamvutassati apihitassa na pidahitva sanchaditva thapitassa.
Byasincatiti viasincati, 1- kilesatintam hutva vattati. Pamojjanti
dubbalapiti. Pititi balavapiti. Passaddhiti darathappassaddhi. Dhamma na patubhavantiti
samathavipassanadhamma na uppajjanti. Imasmim sutte puggalam pucchitva vibhajantena
dhammena puggalo dassito.
@Footnote: 1 Si.,ka. byasiccatiti viyasiccati


The Pali Atthakatha in Roman Character Volume 13 Page 35.
http://84000.org/tipitaka/read/attha_page.php?book=13&page=35&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=13&A=742&modeTY=2&pagebreak=1
http://84000.org/tipitaka/atthapali/rm_line.php?B=13&A=742&modeTY=2&pagebreak=1#p35