บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Saṃ.A. (sārattha.3) Page 332.
Ajjhattarato, samathavasena samāhitoti evaṃ pubbabhāgato paṭṭhāya samathavipassanābalena kavacamiva attabhāvaṃ pariyonaddhitvā 1- ṭhitaṃ, attani sambhavattā attasambhavanti laddhanāmaṃ sabbakilesajātaṃ abhindi. Kilesābhāvena ca kammaṃ appaṭisandhikattā avasiṭṭhaṃ 2- nāma hotīti evaṃ kilesappahānena kammaṃ jahi. Pahīnakilesassa ca 3- bhayaṃ nāma natthi. Tasmā abhītova āyusaṅkhāraṃ ussajji. Abhītabhāvaṃ ñāpanatthaṃ ca udānaṃ udānesīti veditabbo. Cāpālavaggo paṭhamo. ------------ 2. Pāsādakampanavagga 1-2. Pubbasuttādivaṇṇanā [823-324] Dutiyavaggassa paṭhame na ca atilīnotiādīni parato āvī bhavissanti. Imasmiṃ sutte chaabhiññāpādakā iddhipādā kathitā, tathā dutiye ca. 3. Chandasamādhisuttavaṇṇanā [825] Tatiye chandanti kattukamyatāchandaṃ. Nissāyāti nissayaṃ katvā, adhipatiṃ katvāti attho. Padhānasaṅkhārāti padhānabhūtā saṅkhārā, catukiccasādhakasammappadhānavīriyassetaṃ adhivacanaṃ. Iti ayaṃ ca chandotiādisu chando chandasamādhinā ceva padhānasaṅkhārehi ca, chandasamādhi chandena ceva padhānasaṅkhārehi ca, padhānasaṅkhārāpi chandena ceva samādhinā ca 4- samannāgatā. Tasmā sabbe @Footnote: 1 cha.Ma. pariyonandhitvā 2 cha.Ma. avassaṭṭhaṃ @3 cha.Ma. casaddo na dissati 4 cha.Ma. chandasamādhinā caThe Pali Atthakatha in Roman Character Volume 13 Page 332. http://84000.org/tipitaka/read/attha_page.php?book=13&page=332&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=7246&pagebreak=1 http://84000.org/tipitaka/atthapali/rm_line.php?B=13&A=7246&pagebreak=1#p332
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]