ATTHAKATHA Book 13 : PALI ROMAN
Sam.A. (sarattha.3)
Page 325.

                         3. Sekhasuttavannana
    [523] Tatiye na heva kho kayena phusitva viharatiti na namakayena
phusitva patilabhitva viharati, phussitum patilabhitum na sakkoti. Pannaya ca ativijjha
passatiti paccavekkhanapannaya pana "upari arahattaphalindriyam nama atthi"ti
pajanati. Asekhabhumiyam phusitva viharatiti patilabhitva viharati. Pannayati
paccavekkhanapannaya "arahattaphalindriyam nama atthi"ti pajanati. Na kuhinci
kisminciti dvepi annamannavevacananeva, kisminci bhave na uppajjissantiti
attho. Imasmim sutte pancindriyani lokuttarani, cha lokikani vattanissitaneva
kathitani.
                        4-5. Padasuttadivannana
    [524-525] Catutthe yani kanici padani bodhaya samvattantiti yani
kanici dhammapadani yekeci dhammakotthasa bujjhanatthaya samvattanti. Pancamam
uttanameva.
                      6-7. Patitthitasuttadivannana
    [526-527] Chatthe cittam rakkhati asavesu ca sasavesu ca dhammesuti
tebhumakadhamme arabbha asavuppattim varento asavesu ca sasavesu ca dhammesu
cittam rakkhati nama. Sattamam uttanameva.
                        8. Sukarakhatasuttavannana
    [528] Atthame sukarakhatayanti sukarakhatalene. Kassapabuddhakale kira tam
lenam ekasmim buddhantare pathaviya vaddhamanaya antobhumigatam jatam. Athekadivasam
eko sukaro tassa chadanapariyantasamipe pamsum khani. Deve vutthe pamsu dhota,
chadanapariyanto pakato ahosi. Eko vanacarako disva "pubbe silavantehi
paribhuttatthanena bhavitabbam, patijaggissami nan"ti samantato pamsum apanetva


The Pali Atthakatha in Roman Character Volume 13 Page 325.
http://84000.org/tipitaka/read/attha_page.php?book=13&page=325&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=13&A=7093&modeTY=2&pagebreak=1
http://84000.org/tipitaka/atthapali/rm_line.php?B=13&A=7093&modeTY=2&pagebreak=1#p325