ATTHAKATHA Book 13 : PALI ROMAN
Sam.A. (sarattha.3)
Page 324.

                      5. Pathamapubbaramasuttavannana
    [515] Pancame tadanvayati tam anugacchamana, anuvattamanati attho.
Pubbakotthakam adim katva patipatiya chasu suttesu phalindriyaneva kathitani.
                        10. Apanasuttavannana
    [520] Dasame ime kho te dhammati upari saha vipassanaya tayo
magga. Ye me pubbe sutava ahesunti ye dhamma maya pubbe "arahattaphalindriyam
nama atthi"ti kathentanamyeva suta ahesum. Kayena ca phusitvati namakayena
ca phusitva patilabhitva. Pannaya ca ativijjha passamiti paccavekkhanapannaya
ca ativijjhitva passami. Ya hissa bhante saddhati ayam katarasaddha?
catuhi indriyehi sampayutta saddha hettha kathitava, ayam pana paccavekkhanasaddha.
Sampayuttasaddhahi missaka, paccavekkhanasaddha lokiyava. Sesam sabbam uttanamevati.
                         Jaravaggo pancamo.
                         --------------
                           6. Sukarakhatavagga
                         1. Salasuttavannana
    [521] Chatthavaggassa pathame surenati surabhavena. Bodhayati
bujjhanatthaya.
                         2. Mallikasuttavannana
    [522] Dutiye mallikesuti evamnamake janapade. Imasmim sutte
cattarindriyani missakani, ariyananam lokuttaram tampi pana catuindriyanissitam
katva missakanti bhajetum vattati.


The Pali Atthakatha in Roman Character Volume 13 Page 324.
http://84000.org/tipitaka/read/attha_page.php?book=13&page=324&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=13&A=7072&modeTY=2&pagebreak=1
http://84000.org/tipitaka/atthapali/rm_line.php?B=13&A=7072&modeTY=2&pagebreak=1#p324