Nibbanam anupavittham. Brahmacariyanti maggabrahmacariyam. Nibbanaparayananti nibbanam
param ayanam assa para gati, na tato param gacchatiti attho. Nibbanam pariyosanam
avasanam assati nibbanapariyosanam.
Mulajata patitthitati maggenagatasaddha vuccati. Imamhi ce bhikkhave
samayeti kim sandhayaha? jhanaanagamitam. Tasmim hi samaye brahmanassa pathamamaggena
panca akusalacittani pahinani, pathamajjhanena panca nivarananiti
parinibbayeyya. Sace panassa puttadaram anusasantassa kammante vicarentassa
jhanam nassati, natthe jhane gati anibaddha hoti, anatthe pana nibaddhati
imam jhanaanagamitam sandhayevamaha.
3. Saketasuttavannana
[513] Tatiye anjanavaneti anjanavannapupphanam rukkhanam ropitavane. Yam bhikkhave
saddhindriyam, tam saddhabalanti tam hi adhimokkhalakkhane indatthena saddhindriyam,
asaddhindriye 1- akampanena saddhabalam. Itaresam paggahaupatthanaavikkhepapajanana-
lakkhanesu indatthena indriyabhavo, kosajjamutthasaccavikkhepavijjasu akampanena
balabhavo veditabbo. Evameva khoti tassa nadiya ekasotam viya saddhaviriyasati-
samadhipannavasena etesam ninnanakaranam veditabbam, dve sotani viya
indatthaakampanatthehi indriyabalavasena nanakaranam veditabbam.
4. Pubbakotthakasuttavannana
[514] Catutthe amatogadhanti amatabbhantaram. Amataparayananti amatanibbattikam.
Amatapariyosananti amatanittham. Sadhu sadhuti therassa byakaranam pasamsanto
sadhukaram deti.
@Footnote: 1 cha.Ma. assaddhiye
The Pali Atthakatha in Roman Character Volume 13 Page 323.
http://84000.org/tipitaka/read/attha_page.php?book=13&page=323&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=13&A=7050&modeTY=2&pagebreak=1
http://84000.org/tipitaka/atthapali/rm_line.php?B=13&A=7050&modeTY=2&pagebreak=1#p323
