ATTHAKATHA Book 13 : PALI ROMAN
Sam.A. (sarattha.3)
Page 316.

    Tipitakatissatthero kira "tini pitakani sodhessami"ti paratiram gato, tam
eko kutumbiko catuhi paccayehi upatthasi, thero agamanakale "gacchami
upasika"ti aha. Kaham bhanteti. Amhakam acariyupajjhayanam santikanti. Na
sakka bhante maya gantum, bhaddantam pana nissaya maya sasanassa guno nato,
tumhakam parammukha kidisam bhikkhum upasankamamiti. Atha nam thero aha "yo bhikkhu
catuvisati sotapanne dvadasa sakadagami atthacattalisa anagami dvadasa
arahante dassetva dhammakatham kathetum sakkoti, evarupam bhikkhum upatthatum vattati"ti.
Imasmim sutte vipassana kathitati.
                      5-10. Suddhakasuttadivannana
    [495-500] Pancame cakkhu ca tam cakkhudvare nibbattanam dhammanam
adhipateyyasankhatena indatthena indriyam cati cakkhundriyam.
Sotindriyadisupi eseva nayo. Sesam sabbattha uttanameva. Imasmim vagge
pathamasuttam ceva chatthadini ca pancati cha suttani catusaccavasena kathitaniti.
                        Chalindriyavaggo tatiyo.
                           -----------
                          4. Sukhindriyavagga
                       1-5. Suddhikasuttadivannana
    [501-505] Catutthavaggassa pathame sukhanca tam sahajatanam adhipateyyasankhatena
indatthena indriyancati sukhindriyam. Dukkhindriyadisupi eseva nayo. Ettha
ca sukhindriyadukkhindriyadomanassindriyani kamavacaraneva, somanassindriyam


The Pali Atthakatha in Roman Character Volume 13 Page 316.
http://84000.org/tipitaka/read/attha_page.php?book=13&page=316&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=13&A=6901&modeTY=2&pagebreak=1
http://84000.org/tipitaka/atthapali/rm_line.php?B=13&A=6901&modeTY=2&pagebreak=1#p316