อรรถกถาเล่มที่ ๑๓ ภาษาบาลี อักษรไทย
สํ.อ. (สารตฺถ.๓)
หน้าที่ ๓๑๖.

    ติปิฏกติสฺสตฺเถโร กิร "ตีณิ ปิฏกานิ โสเธสฺสามี"ติ ปรตีรํ คโต, ตํ
เอโก กุฏุมฺพิโก จตูหิ ปจฺจเยหิ อุปฏฺฐาสิ, เถโร อาคมนกาเล "คจฺฉามิ
อุปาสิกา"ติ อาห. กหํ ภนฺเตติ. อมฺหากํ อาจริยุปชฺฌายานํ สนฺติกนฺติ. น
สกฺกา ภนฺเต มยา คนฺตุํ, ภทฺทนฺตํ ปน นิสฺสาย มยา สาสนสฺส คุโณ ญาโต,
ตุมฺหากํ ปรมฺมุขา กีทิสํ ภิกฺขุํ อุปสงฺกมามีติ. อถ นํ เถโร อาห "โย ภิกฺขุ
จตุวีสติ โสตาปนฺเน ทฺวาทส สกทาคามี อฏฺฐจตฺตาฬีส อนาคามี ทฺวาทส
อรหนฺเต ทสฺเสตฺวา ธมฺมกถํ กเถตุํ สกฺโกติ, เอวรูปํ ภิกฺขุํ อุปฏฺฐาตุํ วฏฺฏตี"ติ.
อิมสฺมึ สุตฺเต วิปสฺสนา กถิตาติ.
                      ๕-๑๐. สุทฺธกสุตฺตาทิวณฺณนา
    [๔๙๕-๕๐๐] ปญฺจเม จกฺขุ จ ตํ จกฺขุทฺวาเร นิพฺพตฺตานํ ธมฺมานํ
อาธิปเตยฺยสงฺขาเตน อินฺทฏฺเฐน อินฺทฺริยํ จาติ จกฺขุนฺทฺริยํ.
โสตินฺทฺริยาทีสุปิ เอเสว นโย. เสสํ สพฺพตฺถ อุตฺตานเมว. อิมสฺมึ วคฺเค
ปฐมสุตฺตํ เจว ฉฏฺฐาทีนิ จ ปญฺจาติ ฉ สุตฺตานิ จตุสจฺจวเสน กถิตานีติ.
                        ฉฬินฺทฺริยวคฺโค ตติโย.
                           -----------
                          ๔. สุขินฺทฺริยวคฺค
                       ๑-๕. สุทฺธิกสุตฺตาทิวณฺณนา
    [๕๐๑-๕๐๕] จตุตฺถวคฺคสฺส ปฐเม สุขญฺจ ตํ สหชาตานํ อาธิปเตยฺยสงฺขาเตน
อินฺทฏฺเฐน อินฺทฺริยญฺจาติ สุขินฺทฺริยํ. ทุกฺขินฺทฺริยาทีสุปิ เอเสว นโย. เอตฺถ
จ สุขินฺทฺริยทุกฺขินฺทฺริยโทมนสฺสินฺทฺริยานิ กามาวจราเนว, โสมนสฺสินฺทฺริยํ


เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๓๑๖.
http://84000.org/tipitaka/read/attha_page.php?book=13&page=316&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=13&A=6901&modeTY=2&pagebreak=1
http://84000.org/tipitaka/atthapali/th_line.php?B=13&A=6901&modeTY=2&pagebreak=1#p316