Tadanvayani honti. Sabbapaccha ranno geham gatakale pana yatha itare
cattaro tunhi nisidanti, rajava gehe vicareti, evameva ariyasaccani patva
pajananalakkhanam pannindriyameva jetthakam hoti pubbangamam, sesani tadanvayani
hontiti.
9-10. Pathamavibhangasuttadivannana
[479-480] Navame satinepakkenati ettha nipakkassa bhavo nepakkam,
pannayetam namam. Kasma pana satibhajane panna vuttati? satiya balavabhavadassanattham.
Balavasati hi idha adhippeta. Sa ca pannasampayuttava balavati hoti,
na vippayuttati pannasampayuttasatim dassento evamaha. Cirakatanti ciram kalam
katam danam va silam va uposathakammam va. Cirabhasitanti "asukasmim thane asukam
nama bhasitan"ti evam cirakale bhasitam. Vossaggarammanam karitvati
nibbanarammanam katva. Udayatthagaminiyati udayanca atthanca gacchantiya,
udayabbayapariggahikayati attho. Imasmim sutte saddhasatipannindriyani
pubbabhagani, viriyindriyamissakam, samadhindriyam nibbattitalokuttarameva kathitam.
Dasamepi ayameva dhammaparicchedoti.
Suddhikavaggo 1- pathamo.
------------
2. Mudutaravagga
1. Patilabhasuttavannana
[481] Dutiyavaggassa pathame sammappadhane arabbhati sammappadhane
paticca, sammappadhane bhaventoti attho. Satindriyepi eseva nayo.
@Footnote: 1 ka. saddhindariyavaggo
The Pali Atthakatha in Roman Character Volume 13 Page 308.
http://84000.org/tipitaka/read/attha_page.php?book=13&page=308&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=13&A=6728&modeTY=2&pagebreak=1
http://84000.org/tipitaka/atthapali/rm_line.php?B=13&A=6728&modeTY=2&pagebreak=1#p308
