ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๓ ภาษาบาลี อักษรไทย สํ.อ. (สารตฺถ.๓)

หน้าที่ ๒๗๔.

สพฺพตฺถ. อภิหรตีติ คหณตฺถาย หตฺถํ ปสาเรติ. พหุํ คณฺหาตีติ เอกคฺคหเณน
พหุํ คณฺหนฺโตปิ ปุนปฺปุนํ คณฺหนฺโตปิ พหุํ คณฺหเตว. อภิหารานนฺติ สตํ วา
สหสฺสํ วา อุกฺขิปิตฺวา อภิหฏานํ ทายานํ. อุปกฺกิเลสาติ ปญฺจ นีวรณา. นิมิตฺตํ
น อุคฺคณฺหาตีติ "อิทํ เม กมฺมฏฺฐานํ อนุโลมํ วา โคตฺรภุํ วา อาหจฺจ ฐิตนฺ"ติ
น ชานาติ, อตฺตโน จิตฺตสฺส นิมิตฺตํ คณฺหิตุํ น สกฺโกติ. อิมสฺมึ สุตฺเต
ปุพฺพภาควิปสฺสนา สติปฏฺฐานาว กถิตา.
                         ๙. คิลานสุตฺตวณฺณนา
    [๓๗๕] นวเม เวฬุวคามเกติ เวสาลิยา สมีเป เอวํนามโก ปาทคาโม ๑- อตฺถิ,
ตสฺมึ. ยถามิตฺตนฺติอาทีสุ มิตฺตาติ มิตฺตาว. สนฺทิฏฺฐาติ ตตฺถ ตตฺถ สงฺคมฺม
ทิฏฺฐมตฺตา นาติทฬฺหมิตฺตา. สมฺภตฺตาติ สุฏฺฐุ ภตฺตา สิเนหวนฺโต ทฬฺหมิตฺตา.
เยสํ ยตฺถ ยตฺถ เอวรูปา ภิกฺขู อตฺถิ, เต ตตฺถ ตตฺถ วสฺสํ อุเปถาติ อตฺโถ. กสฺมา
เอวมาห? เตสํ ผาสุวิหารตฺถาย. เตสํ กิร เวฬุวคามเก เสนาสนํ นปฺปโหติ,
ภิกฺขาปิ มนฺทา. สมนฺตา เวสาลิยา ปน พหูนิ เสนาสนานิ, ภิกฺขาปิ สุลภา.
ตสฺมา เอวมาห.
    อถ กสฺมา "ยถาสุขํ คจฺฉถา"ติ น วิสฺสชฺเชสิ? เตสํ อนุกมฺปาย. เอวํ
กิรสฺส อโหสิ "อหํ อฑฺฒมาสมตฺตํ ๒- ฐตฺวา ปรินพฺพายิสฺสามิ. สเจ อิเม ทูรํ
คจฺฉิสฺสนฺติ มํ ปรินิพฺพานกาเล ทฏฺฐุํ น สกฺขิสฺสติ. อถ เนสํ `สตฺถา
ปรินิพฺพายนฺโต อมฺหากํ สติมตฺตมฺปิ น อทาสิ. สเจ ชาเนยฺยาม, น เอวํ ทูเร
วเสยฺยามา'ติ วิปฺปฏิสาโร ภเวยฺย. เวสาลิยา สมนฺตา ปน วสฺสํ วสนฺตา
มาสสฺส อฏฺฐ วาเร อาคนฺตฺวา ธมฺมํ สุณิสฺสนฺติ, สุคโตวาทํ ลภิสฺสนฺตี"ติ น
วิสฺสชฺเชสิ.
@เชิงอรรถ:  สี. ทฺวารคาโม              ฉ.ม. ทสมาสมตฺตํ



เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๒๗๔. http://84000.org/tipitaka/read/attha_page.php?book=13&page=274&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=5973&modeTY=2&pagebreak=1 http://84000.org/tipitaka/atthapali/th_line.php?B=13&A=5973&modeTY=2&pagebreak=1#p274


จบการแสดงผล หน้าที่ ๒๗๔.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]