อรรถกถาเล่มที่ ๑๓ หน้าที่ ๒๕๒.

ธมฺมา สลกฺขณสามญฺลกฺขณานํ สุญฺตธมฺมสฺส อนิจฺจตาทิสตฺตอนุปสฺสนานํ "สนฺตํ วา อชฺฌตฺตํ กามจฺฉนฺทนฺ"ติอาทีนญฺจ ปเภทานํ วเสน อนุปสฺสิตพฺพา. เสสํ วุตฺตนยเมว. อยเมตฺถ สงฺเขโป, วิตฺถาโร ปน ทีฆมชฺฌิมฏฺกถาสุ ^๑- สติปฏฺานวณฺณนายํ วุตฺตนเยน เวทิตพฺโพ. ๒. สติสุตฺตวณฺณนา [๓๖๘] ทุติเย สโตติ กายาทิอนุปสฺสนา สติยา สมนฺนาคโต. สมฺปชาโนติ จตุสมฺปชญฺปญฺาย สมนฺนาคโต. อภิกฺกนฺเต ปฏิกฺกนฺเตติ เอตฺถ อภิกฺกนฺตํ วุจฺจติ คมนํ ปฏิกฺกนฺตํ นิวตฺตนํ, ตทุภยมฺปิ จตูสุ อิริยาปเถสุ ลพฺภติ. คมเน ตาว ปุรโต กายํ อภิหรนฺโต อภิกฺกมติ นาม, ปฏินิวตฺตนฺโต ปฏิกฺกมติ นาม. าเนปิ ิตโกว กายํ ปุรโต โอนมนฺโต อภิกฺกมติ นาม, ปจฺฉโต อปนาเมนฺโต ปฏิกฺกมติ นาม. นิสชฺชายปิ นิสินฺนโกว อาสนสฺส ปุริมองฺคาภิมุโข สํสรนฺโต อภิกฺกมติ นาม, ปจฺฉิมองฺคปฺปเทสํ ปจฺจาสํสรนฺโต ปฏิกฺกมติ นาม. นิปชฺชเนปิ เอเสว นโย. สมฺปชานการี โหตีติ สมฺปชญฺเน สพฺพกิจฺจการี, สมฺปชญฺสฺเสว วา การี. โส หิ อภิกฺกนฺตาทีสุ สมฺปชญฺ กโรเตว. น กตฺถจิ สมฺปชญฺวิรหิโต โหติ. ตตฺถ สาตฺถกสมฺปชญฺ สปฺปายสมฺปชญฺ โคจรสมฺปชญฺ อสมฺโมหสมฺปชญฺนฺติ จตุพฺพิธํ สมฺปชญฺ. ตตฺถ อภิกฺกมนจิตฺเต อุปฺปนฺเน จิตฺตวเสเนว อคนฺตฺวา "กึ นุ เม เอตฺถ คเตน อตฺโถ อตฺถิ, นตฺถี"ติ อตฺถานตฺถํ ปริคฺคณฺหิตฺวา อตฺถปริคฺคณฺหณํ สาตฺถกสมฺปชญฺ. ตตฺถ จ อตฺโถติ เจติยทสฺสน- โพธิทสฺสนสํฆทสฺสนเถรทสฺสนอสุภทสฺสนาทิวเสน ธมฺมโต วุฑฺฒิ. เจติยํ ทิสฺวาปิ @เชิงอรรถ: ^๑ สุ.วิ. ๒/๓๗๒ อาทิ/๓๕๗

เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๒๕๒. http://84000.org/tipitaka/read/attha_page.php?book=13&page=252&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=5483&pagebreak=1 http://84000.org/tipitaka/atthapali/th_line.php?B=13&A=5483&pagebreak=1#p252