บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Sam.A. (sarattha.3) Page 220.
Anibbanasamvattanikati nibbanatthaya asamvattanika. Sesam sabbattha uttanatthameva. Sakalepi imasmim vagge missakabojjhangava kathitati. Nivaranavaggo catuttho. --------------- 5. Cakkavattivagga 1. Vidhasuttavannana [222] Pancamavaggassa pathame tisso vidhati tayo manakotthasa, manoyeva va. Tatha tatha vidahanto hi manova vidhati vuccati. 2. Cakkavattisuttavannana [223] Dutiye ranno bhikkhave cakkavattissati ettha attano sirisampattiya rajati, 1- catuhi va sangahavatthuhi lokam ranjetiti raja, tassa ranno. "pavattatu bhavam cakkaratanan"ti punnanubhavena abbhuggataya vacaya codento cakkam vattetiti cakkavatti, tassa cakkavattissa. Patubhavati patubhavena. Sattannanti gahanaparicchedo. Ratanananti paricchinnaatthadassanam. Vacanattho panettha ratijananatthena ratanam. Apica:- cittikatam mahagghanca atulam dullabhadassanam anomasattaparibhogam ratanam tena vuccatiti. Cakkaratanassa ca nibbattakalato patthaya annam devatthanam nama na hoti, sabbeva gandhapupphadihi tasseva pujanca abhivadanadini ca karontiti cittikatatthena @Footnote: 1 Si.,ka. ranjatiThe Pali Atthakatha in Roman Character Volume 13 Page 220. http://84000.org/tipitaka/read/attha_page.php?book=13&page=220&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=4772&modeTY=2&pagebreak=1 http://84000.org/tipitaka/atthapali/rm_line.php?B=13&A=4772&modeTY=2&pagebreak=1#p220
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]