ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๓ ภาษาบาลี อักษรไทย สํ.อ. (สารตฺถ.๓)

หน้าที่ ๒๑๕.

                           ๒. คิลานวคฺค
                       ๑-๓. ปาณสุตฺตาทิวณฺณนา
    [๑๙๒-๑๙๔] ทุติยวคฺคสฺส ปฐเม จตฺตาโร อิริยาปเถ กปฺเปนฺตีติ
เยสํ จตฺตาโร อิริยาปถา อตฺถิ, เตสํเยว วเสเนตํ วุตฺตํ. สีลํ นิสฺสายาติ
จตุปาริสุทฺธิสีลํ นิสฺสยํ กตฺวา. สตฺต โพชฺฌงฺเคติ สหวิปสฺสเก มคฺคโพชฺฌงฺเค.
ทุติยตติยานิ อุตฺตานตฺถาเนว.
                     ๔-๑๐. ปฐมคิลานสุตฺตาทิวณฺณนา
    [๑๙๕-๒๐๑] จตุตฺเถ ตถา ปหีโน จายสฺมโต มหากสฺสปสฺส โส
อาพาโธ อโหสีติ เถรสฺส กิร อิมํ โพชฺฌงฺคภาวนํ สาธุกํ สุณนฺตสฺส เอตทโหสิ
"มยฺหํ ปพฺพชิตทิวสโต สตฺตเม ทิวเส สจฺจานิ ปฏิวิชฺฌนฺตสฺส อิเม โพชฺฌงฺคา
ปาตุภูตา"ติ. อถสฺส "นิยฺยานิกํ วต สตฺถุ สาสนนฺ"ติ จินฺตยโต โลหิตํ ปสีทิ,
อุปาทารูปํ วิสุทฺธํ อโหสิ, โปกฺขรปตฺเต ปติตอุทกพินฺทุ ๑- วิย สรีรโต โรโค
วินิวตฺติตฺวา คโต. เตน วุตฺตํ "ตถา ปหีโน จายสฺมโต มหากสฺสปสฺส โส
อาพาโธ อโหสี"ติ. ปญฺจมฉฏฺเฐสุปิ เอเสว นโย. อิเมสํ ปน ติณฺณมฺปิ ชนานํ
ปพฺพตปาเท ปุปฺผิตวิสรุกฺขวาตสมฺผสฺเสน อุปฺปนฺโน มนฺทสีตชโร ๒- อาพาโธติ
เวทิตพฺโพ. เสสํ สพฺพตฺถ อุตฺตานเมวาติ.
                         คิลานวคฺโค ทุติโย.
                          -------------
@เชิงอรรถ:  ม. ปกฺขิตอุทกพินฺทุ                  สี.,ก มทฺทสีตโร



เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๒๑๕. http://84000.org/tipitaka/read/attha_page.php?book=13&page=215&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=4672&modeTY=2&pagebreak=1 http://84000.org/tipitaka/atthapali/th_line.php?B=13&A=4672&modeTY=2&pagebreak=1#p215


จบการแสดงผล หน้าที่ ๒๑๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]