Tasma tattha cattaro sasankharaparinibbayi, cattaro asankharaparinibbayiti
atthati evam atthacattalisa honti. Tesam uddhamsoto akanitthagami sabbajettho
ceva hoti sabbakanittho ca. Katham? so hi solasakappasahassayukatta ayuna
sabbesam jettho, sabbapaccha arahattam papunatiti sabbesam kanittho.
Imasmim sutte apubbam acarimam ekacittakkhanika nanalakkhana arahattamaggassa
pubbabhagavipassana bojjhanga kathita.
4. Vatthasuttavannana
[185] Catutthe satisambojjhango iti ce me hotiti satisambojjhangoti
evam ce mayham hoti. Appamanoti me hotiti appamanoti evam me hoti.
Susamaraddhoti suparipunno. Titthatiti ettha atthahakarehi satisambojjhango
titthati:- uppadam anavajjitatta anuppadam avajjitatta satisambojjhango
titthati, pavattam, appavattam, nimittam, animittam, sankhare anavajjitatta,
visankharam avajjitatta satisambojjhango titthatiti. Imehi atthahakarehi
titthatiti thero janati, vuttakaravipariteheva atthahakarehi cavantam cavatiti 1-
pajanati. Sesabojjhangesupi eseva nayo.
Iti imasmim sutte therassa phalabojjhanga kathita. Yada hi thero
satisambojjhangam sisam katva phalasamapattim samapajjati, tada itare cha tadanvaya
honti. Yada dhammavicayadisu annataram, tadapi sesa tadanvaya hontiti. Evam
phalasamapattiyam attano cinnavasitam dassento thero imam suttam kathesiti.
5. Bhikkhusuttavannana
[186] Pancame bodhaya samvattantiti bujjhanatthaya samvattantiti. Kim
bujjhanatthaya? maggena asankhatam nibbanam, paccavekkhanaya katakiccatam, maggena
@Footnote: 1 Si.,ka. carantam caratiti
The Pali Atthakatha in Roman Character Volume 13 Page 211.
http://84000.org/tipitaka/read/attha_page.php?book=13&page=211&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=13&A=4581&modeTY=2&pagebreak=1
http://84000.org/tipitaka/atthapali/rm_line.php?B=13&A=4581&modeTY=2&pagebreak=1#p211
