บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Sam.A. (sarattha.3) Page 205.
Satisambojjhangantiadisu pana pasattho sundaro ca bojjhangoti sambojjhango, satiyeva sambojjhango satisambojjhango, tam satisambojjhanganti evam sabbattha attho veditabbo. Bhavetiti vaddheti, attano cittasantane punappunam janeti, abhinibbattetiti attho. Vivekanissitantiadini kosalasamyutte "sammaditthim bhaveti vivekanissitan"ti ettha vuttanayeneva veditabbani. Ayam pana viseso:- tattha tadangavivekanissitam samucchedavivekanissitam nissaranavivekanissitanti vivekattayameva vuttam, bojjhangabhavanam patva pana pancavidhavivekanissitampi eke vannayanti. Te hi na kevalam balavavipassanamaggaphalakkhanesu eva bojjhange uddharanti, vipassanapadakakasinajjhanaanapanasubha- brahmaviharajjhanesupi uddharanti, na ca patisiddha atthakathacariyehi. Tasma tesam matena etesam jhananam pavattikkhane kiccato eva vikkhambhanavivekanissitam. Yatha ca vipassanakkhane "ajjhasayato nissaranavivekanissitan"ti vuttam, evam patipassaddhivivekanissitampi bhavetiti vattum vattati. Sesamettha hettha vuttanayameva. 2. Kayasuttavannana [183] Dutiye aharatthitikoti paccayatthitiko. Aharam paticcati paccayam paticca. Subhanimittanti subhampi subhanimittam, subhassa arammanampi subhanimittam. Ayonisomanasikaroti anupayamanasikaro upathamanasikaro anicce "niccan"ti va dukkhe "sukhan"ti va anattani "atta"ti va asubhe "subhan"ti va manasikaro, tam tasmim subharammane bahulam pavattayato kamacchando uppajjati. Tena vuttam "atthi bhikkhave subhanimittan"tiadi. Evam sabbanivaranesu yojana veditabba.The Pali Atthakatha in Roman Character Volume 13 Page 205. http://84000.org/tipitaka/read/attha_page.php?book=13&page=205&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=4449&modeTY=2&pagebreak=1 http://84000.org/tipitaka/atthapali/rm_line.php?B=13&A=4449&modeTY=2&pagebreak=1#p205
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]