Patitthitagabbha cintenti "sace mayam idha vijayissama, evam no daraka
umiveganca supannassa ca pakkhanditva agatassa vegam sahitum na sakkhissanti"ti.
Ta mahasamudde nimujjitva sambhajjamukhadvaram patva panca mahanadiyo pavisitva
himavantam gacchanti. Tattha supannehi apakkhandaniyasu suvannarajatamaniguhasu
vasamana 1- vijayitva nagapotake gopphakadippamanesu udakesu otaretva
udakataranam sikkhapenti.
Atha yada anukkamena te naga gangadinam nadinam orimatirato paratiram,
paratirato orimatiranti taranapatitaranam katum sakkonti, tada "idani no daraka
umivegam ca garulavegam ca sahitum sakkhissanti"ti natva attano anubhavena
mahamegham samutthapetva sakalahimavantam 2- ekodakam viya kurumana devam vassapetva
suvannarajatadimaya nava mapetva upari suvannatarakavicittam samosaritagandhapupphadamam
celavitanam bandhitva surabhicandanagandhapupphadini adaya tahi navahi
panca mahanadiyo ogahitva anukkamena mahasamuddam papunanti. Tattha ca
vasanta dasabyamasatabyamasahassabyamasatasahassabyamapamanatam apajjanta
mahantattam vepullattam apajjanti nama.
Evameva khoti ettha himavantapabbato viya catuparisuddhasilam datthabbam,
nagapotaka viya yogavacara, kusobbhadayo viya ariyamaggo, mahasamuddo viya
nibbanam. Yatha nagapotaka himavante patitthaya kusobbhadihi mahasamuddam patva
kayamahantattam apajjanti, evam yogino silam nissaya sile patitthaya
ariyamaggena nibbanam patva arahattamaggeneva agatesu chasu abhinnadhammesu
gunasariramahantattam papunantiti.
@Footnote: 1 Ma. pavisamana 2 Ma. himagabbham
The Pali Atthakatha in Roman Character Volume 13 Page 200.
http://84000.org/tipitaka/read/attha_page.php?book=13&page=200&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=13&A=4350&modeTY=2&pagebreak=1
http://84000.org/tipitaka/atthapali/rm_line.php?B=13&A=4350&modeTY=2&pagebreak=1#p200
