ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๑๓ ภาษาบาลี อักษรไทย สํ.อ. (สารตฺถ.๓)

หน้าที่ ๑๘๕.

อภาเวน ทฺวินฺนมฺปิ ยุคปเทสานํ สมตาติ อตฺโถ. อยํ หิ ตตฺรมชฺฌตฺตุเปกฺขา
จิตฺตุปฺปาทสฺส ลีนุทฺธจฺจภาวํ หริตฺวา ปโยคมชฺฌตฺเต จิตฺตํ เปติ, ตสฺมา
อิมสฺส มคฺครถสฺส "ธุรสมาธี"ติ วุตฺตา. อนิจฺฉา ปริวารณนฺติ พาหิรกรถสฺส
สีหจมฺมาทีนิ วิย อิมสฺสาปิ อริยมคฺครถสฺส อโลภสงฺขาตา อนิจฺฉา ปริวารณํ
นาม.
    อพฺยาปาโทติ เมตฺตา เมตฺตาปุพฺพภาโค จ. อวิหึสาติ กรุณา จ
กรุณาปุพฺพภาโค จ. วิเวโกติ กายวิเวกาทิ ติวิโธ วิเวโก. ยสฺส อาวุธนฺติ ยสฺส
อริยมคฺครเถ ิตสฺส กุลปุตฺตสฺส เอตํ ปญฺจวิธํ อาวุธํ. ยถา หิ รเถ ิโต
ปญฺจหิ อาวุเธหิ สปตฺเต วิชฺฌติ, เอวํ โยคาวจโรปิ อิมสฺมึ โลกิยโลกุตฺตรมคฺครเถ
ิโต เมตฺตาย โทสํ วิชฺฌติ, กรุณาย วิหึสํ, กายวิเวเกน คณสงฺคณิกํ, จิตฺตวิเวเกน
กิเลสสงฺคณิกํ, อุปธิวิเวเกน สพฺพากุสลํ วิชฺฌติ. เตนสฺเสตํ ปญฺจวิธํ
"อาวุธนฺ"ติ วุตฺตํ. ติติกฺขาติ ทุรุตฺตานํ ทุราคตานํ วจนปถานํ อธิวาสนกฺขนฺติ.
จมฺมสนฺนาโหติ สนฺนทฺธจมฺโม. ยถา หิ รเถ ิโต รถิโก ปฏิมุกฺกจมฺโม
อาคตาคเต สเร ขมติ, น นํ เต วิชฺฌนฺติ, เอวํ อธิวาสนกฺขนฺติสมนฺนาคโต
ภิกฺขุ อาคตาคเต วจนปเถ ขมติ, น นํ เต วิชฺฌนฺติ. ตสฺมา "ติติกฺขา
จมฺมสนฺนาโห"ติ วุตฺโต. โยคกฺเขมาย วตฺตตีติ จตูหิ โยเคหิ เขมาย นิพฺพานาย
วตฺตติ, นิพฺพานาภิมุโข คจฺฉติเยว, น ติฏฺติ น ภิชฺชตีติ อตฺโถ.
    เอตทตฺตนิ สมฺภูตนฺติ เอตํ มคฺคยานํ อตฺตโน ปุริสการํ นิสฺสาย
ลทฺธตฺตา อตฺตนิ สมฺภูตํ นาม โหติ. พฺรหฺมยานํ อนุตฺตรนฺติ อสทิสํ เสฏฺยานํ.
นิยฺยนฺติ ธีรา โลกมฺหาติ เยสํ เอตํ ยานํ อตฺถิ, เต ธีรา ปณฺฑิตปุริสา
โลกมฺหา นิยฺยนฺติ คจฺฉนฺติ. อญฺทตฺถูติ เอกํเสน. ชยํ ชยนฺติ ราคาทโย
สปตฺเต ชินนฺตา ชินนฺตา.



เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๑๘๕. http://84000.org/tipitaka/read/attha_page.php?book=13&page=185&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=4025&pagebreak=1 http://84000.org/tipitaka/atthapali/th_line.php?B=13&A=4025&pagebreak=1#p185


จบการแสดงผล หน้าที่ ๑๘๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]