ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๓ ภาษาบาลี อักษรไทย สํ.อ. (สารตฺถ.๓)

หน้าที่ ๑๗๖.

ปรมฺมรณาติ อิทํ วจนํ น อุเปติ น ยุชฺชติ, น โหติ ตถาคโต
ปรมฺมรณาติอาทิวจนมฺปิ น อุเปติ น ยุชฺชตีติ อตฺโถ.
     สํสนฺทิสฺสตีติ เอกํ ภวิสฺสติ. สเมสฺสตีติ นิรนฺตรํ ภวิสฺสติ. น
วิโรธยิสฺสตีติ น วิรุทฺธํ ปทํ ๑- ภวิสฺสติ. อคฺคปทสฺมินฺติ เทสนาย. เทสนา หิ อิธ
อคฺคปทนฺติ อธิปฺเปตา.
                        ๒. อนุราธสุตฺตวณฺณนา
     [๔๑๑] ทุติยํ ขนฺธิยวคฺเค วิตฺถาริตเมว, อพฺยากตาธิการโต ปน อิธ
วุตฺตํ.
                  ๓-๘. ปฐมสาริปุตฺตโกฏฺฐิกสุตฺตาทิวณฺณนา
     [๔๑๒-๔๑๗] ตติเย รูปคตเมตนฺติ รูปมตฺตเมตํ. เอตฺถ รูปโต อญฺโญ
โกจิ สตฺโต นาม  น อุปลพฺภติ, รูเป ปน สติ นามมตฺตํ เอตํ โหตีติ
ทสฺเสติ. เวทนาคตเมตนฺติอาทีสุ เอเสว นโย. อยํ โข อาวุโส เหตูติ อยํ
รูปาทีนิ มุญฺจิตฺวา อนุปลพฺภิยสภาโว เหตุ, เยเนตํ อพฺยากตํ ภควตาติ.
จตุตฺถาทีนิ อุตฺตานตฺถาเนว.
                       ๙. กุตูหลสาลาสุตฺตวณฺณนา
    [๔๑๘] นวเม กุตูหลายนฺติ กุตูหลสาลา นาม ปจฺเจกสาลา นตฺถิ,
ยตฺถ ปน นานาติตฺถิยา สมณพฺราหฺมณา นานาวิธํ กถํ ปวตฺเตนฺติ, สา
พหุนฺนํ "อยํ กึ วทติ, อยํ กึ วทตี"ติ กุตูหลุปฺปตฺติฏฺฐานโต กุตูหลสาลาติ
วุจฺจติ. ทูรมฺปิ คจฺฉตีติ ยาว อาภสฺสรพฺรหฺมโลกา คจฺฉติ. อิมญฺจ กายํ
@เชิงอรรถ:  สี.,ก. น วิหายิสฺสตีติ น วิรุทฺธสทฺทํ



เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๑๗๖. http://84000.org/tipitaka/read/attha_page.php?book=13&page=176&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=3837&modeTY=2&pagebreak=1 http://84000.org/tipitaka/atthapali/th_line.php?B=13&A=3837&modeTY=2&pagebreak=1#p176


จบการแสดงผล หน้าที่ ๑๗๖.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]