บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Saṃ.A. (sārattha.3) Page 176.
Parammaraṇāti idaṃ vacanaṃ na upeti na yujjati, na hoti tathāgato parammaraṇātiādivacanampi na upeti na yujjatīti attho. Saṃsandissatīti ekaṃ bhavissati. Samessatīti nirantaraṃ bhavissati. Na virodhayissatīti na viruddhaṃ padaṃ 1- bhavissati. Aggapadasminti desanāya. Desanā hi idha aggapadanti adhippetā. 2. Anurādhasuttavaṇṇanā [411] Dutiyaṃ khandhiyavagge vitthāritameva, abyākatādhikārato pana idha vuttaṃ. 3-8. Paṭhamasāriputtakoṭṭhikasuttādivaṇṇanā [412-417] Tatiye rūpagatametanti rūpamattametaṃ. Ettha rūpato añño koci satto nāma na upalabbhati, rūpe pana sati nāmamattaṃ etaṃ hotīti dasseti. Vedanāgatametantiādīsu eseva nayo. Ayaṃ kho āvuso hetūti ayaṃ rūpādīni muñcitvā anupalabbhiyasabhāvo hetu, yenetaṃ abyākataṃ bhagavatāti. Catutthādīni uttānatthāneva. 9. Kutūhalasālāsuttavaṇṇanā [418] Navame kutūhalāyanti kutūhalasālā nāma paccekasālā natthi, yattha pana nānātitthiyā samaṇabrāhmaṇā nānāvidhaṃ kathaṃ pavattenti, sā bahunnaṃ "ayaṃ kiṃ vadati, ayaṃ kiṃ vadatī"ti kutūhaluppattiṭṭhānato kutūhalasālāti vuccati. Dūrampi gacchatīti yāva ābhassarabrahmalokā gacchati. Imañca kāyaṃ @Footnote: 1 Sī.,ka. na vihāyissatīti na viruddhasaddaṃThe Pali Atthakatha in Roman Character Volume 13 Page 176. http://84000.org/tipitaka/read/attha_page.php?book=13&page=176&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=3837&pagebreak=1 http://84000.org/tipitaka/atthapali/rm_line.php?B=13&A=3837&pagebreak=1#p176
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]