Ihiti 1- ettha na sakka koci payogo sukhena katunti duhitika. Tattha tattha
matamanussanam vippakinnani setani atthikani etthati setatthika. Salaka
vuttati salakamattavutta, yam tattha vuttam vapitam, tam salakamattameva ahosi,
phalena janayatiti attho.
Uggilitunti dve ante mocetva kathetum asakkonto uggilitum bahi
niharitum na sakkhiti. Ogilitunti pucchaya dosam disva haretum asakkonto
ogilitum anto pavesetum na sakkhiti.
Ito so gamani ekanavutikappeti bhagava kathayamanova yava nikkhanto
nasikavato na puna pavisati, tavatakena kalena ekanavutikappe anussari
"atthi nu kho kinci kule pakkabhikkhadanena upahatapubban"ti 2- parijananattham.
Athekampi apassanto "ito so gamani"tiadimaha. Idani danadinam anisamsam
kathento athakho yani tani kulani addhaniti dhammadesanam arabhi. Tattha
danasambhutaniti danena sambhutani nibbattani. Sesapadadvayepi ese nayo.
Ettha pana saccam nama saccavadita. Samannam 3- nama sesasilam. Vikiratiti ayogena
valanjento vippakirati. Vidhamatiti dhamento viya naseti. Viddhamsetiti naseti.
Aniccatati hutva abhavo bahunapi kalena sangatanam 4- khaneneva antaradhanam.
10. Maniculakasuttavannana
[362] Dasame tam parisam etadavocati tassa kira evam ahosi "kulaputta
pabbajanta puttadaranceva jataruparajatanca pahayeva pabbajanti, na ca sakkayam
pahaya pabbajita, tam tehi gahetun"ti nayaggahe thatva "ma ayyo"tiadivacanam
@Footnote: 1 Si. dukkham ihati 2 Si. upakatapubbanti
@3 Si.,ka. sannamam 4 Si. sambhatanam
The Pali Atthakatha in Roman Character Volume 13 Page 168.
http://84000.org/tipitaka/read/attha_page.php?book=13&page=168&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=13&A=3676&modeTY=2&pagebreak=1
http://84000.org/tipitaka/atthapali/rm_line.php?B=13&A=3676&modeTY=2&pagebreak=1#p168
