ATTHAKATHA Book 13 : PALI ROMAN
Sam.A. (sarattha.3)
Page 166.

                        7. Khettupamasuttavannana
    [359] Sattame jangalanti thaddham na mudu. Isaranti 1- sanjatalonam.
Papabhumiti lamakabhumibhagam. Mamdipatiadisu aham dipo patittha etesanti mamdipa.
Aham leno alliyanatthanam etesanti mamlena. Aham tanam rakkha etesanti
mamtana. Aham saranam bhayanasanam etesanti mamsarana. Viharantiti mam evam katva
viharanti.
    Gobhattampiti dhannaphalassa abhavena layitva kalapakalapam bandhitva thapitam
gimhakale gunnampi khadanam bhavissatiti attho. Udakamanikoti kucchiyam manikamekhalaya
evam laddhanamo bhajanaviseso. Ahari aparihariti udakam na harati na parihara,
na pariyadiyatiti attho. Iti imasmim sutte sakkaccadhammadesanava kathita. Buddhanam
hi asakkaccadhammadesana nama natthi. Sihasamanavuttino hi buddha, yatha siho
pabhinnavaravaranassapi sasabilaradinampi gahanatthaya ekasadisameva vegam karoti,
evam buddhapi ekassa desentapi dvinnam bahunam bhikkhuparisaya bhikkhuniupasaka-
upasikaparisayapi titthiyanampi desenta sakkaccameva desenti. Catasso pana
parisa saddahitva okappetva sunantiti tasam desana sakkaccadesana nama
jata.
                        8. Sankhadhamasuttavannana
    [360] Atthame yam bahulam yam bahulanti imina nigantho attanava attano
vadam bhindati. Tasma bhagava evam sante na koci apayikotiadimaha. Purimani
pana cattari padani ditthiya paccaya honti. Tasma tesupi adinavam dassento
idha gamani ekacco sattha evamvadi hotitiadimaha. Tattha ahampamhiti
ahampi amhi.
@Footnote: 1 Si.,ka. osaranti


The Pali Atthakatha in Roman Character Volume 13 Page 166.
http://84000.org/tipitaka/read/attha_page.php?book=13&page=166&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=13&A=3630&modeTY=2&pagebreak=1
http://84000.org/tipitaka/atthapali/rm_line.php?B=13&A=3630&modeTY=2&pagebreak=1#p166