อรรถกถาเล่มที่ ๑๓ หน้าที่ ๑๖๕.

ปหาโส นาม นิรโยติ วิสุํ ปหาสนามโก นิรโย นาม นตฺถิ, อวีจิสฺเสว ปน เอกสฺมึ โกฏฺาเส นจฺจนฺตา วิย คายนฺตา วิย จ นฏเวสํ คเหตฺวาว ปจฺจนฺติ, ตํ สนฺธาเยตํ วุตฺตํ. นาหํ ภนฺเต เอตํ โรทามีติ อหํ ภนฺเต เอตํ ภควโต พฺยากรณํ น โรทามีติ เอวํ สกมฺมกวเสเนตฺถ อตฺโถ เวทิตพฺโพ, น อสฺสุวิโมจนมตฺเตน. "มตํ วา อมฺม โรทนฺตี"ติอาทโย เจตฺถ อญฺเปิ โวหารา เวทิตพฺพา. ๓-๕. โยธาชีวสุตฺตาทิวณฺณนา [๓๕๕-๓๕๗] ตติเย โยธาชีโวติ ยุทฺเธน ชีวิตํ กปฺปนโก ธมฺมสงฺคาหกตฺเถเรหิ เอวํ คหิตนาโม. อุสฺสหติ วายมตีติ อุสฺสาหํ วายามํ กโรติ. ปริยาปาเทนฺตีติ มรณํ ปฏิปชฺชาเปนฺติ. ทุกฺกฏนฺติ ทุฏฺุ กตํ. ทุปฺปณิหิตนฺติ ทุฏฺุ ปิตํ. ปรชิโต ^๑- นาม นิรโยติ อยมฺปิ น วิสุํ เอโก นิรโย, อวีจิสฺเสว ปน เอกสฺมึ โกฏฺาเส ปญฺจาวุธสนฺนทฺธา ผลกหตฺถา หตฺถิอสฺสรเถ อารุยฺห สงฺคาเม ยุชฺฌนฺตา วิย ปจฺจนฺติ, ตํ สนฺธาเยตํ วุตฺตํ. จตุตฺถปญฺจเมสุปิ เอเสว นโย. ๖. อสิพนฺธกปุตฺตสุตฺตวณฺณนา [๓๕๘] ฉฏฺเ ปจฺฉาภูมกาติ ปจฺฉาภูมิวาสิโน. กามณฺฑลุกาติ สกมณฺฑลุโน. เสวาลมาลิกาติ ปาโตว อุทกโต เสวาลญฺเจว อุปฺปลาทีนิ จ คเหตฺวา อุทกสุทฺธิกภาวชานนตฺถาย มาลํ กตฺวา ปิลนฺธนกา. อุทโกโรหกาติ สายํ ปาตํ อุทกํ โอโรหนกา. อุยฺยาเปนฺตีติ อุปริ ยาเปนฺติ. สญฺาเปนฺตีติ สมฺมา าเปนฺติ. สคฺคํ นาม โอกฺกาเปนฺตีติ ปริวาเรตฺวา ิตา "คจฺฉ โภ พฺรหฺมโลกํ, คจฺฉ โภ พฺรหฺมโลกนฺ"ติ วทนฺตา สคฺคํ ปเวเสนฺติ. อนุปริสกฺเกยฺยาติ อนุปริคจฺเฉยฺย. อุมฺมชฺชาติ อุมฺมชฺช อุฏฺห. ถลมุปฺลวาติ ถลํ อภิรุยฺห. ตตฺร ยาสฺสาติ ตตฺร ยํ ภเวยฺย. สกฺขรา วา กลา วาติ สกฺขรา จ กลา จ. สา อโธคามี อสฺสาติ สา อโธ คจฺเฉยฺย, เหฏฺาคามี ภเวยฺย. อโธ คจฺฉาติ เหฏฺา คจฺฉ. @เชิงอรรถ: ^๑ สี.,ก. สรชิโต

เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๑๖๕. http://84000.org/tipitaka/read/attha_page.php?book=13&page=165&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=3606&pagebreak=1 http://84000.org/tipitaka/atthapali/th_line.php?B=13&A=3606&pagebreak=1#p165