บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Sam.A. (sarattha.3) Page 164.
8. Gamanisamyutta 1. Candasuttavannana [353] Gamanisamyuttassa pathame cando gamaniti dhammasangahakattherehi candoti gahitanamo eko gamani. Patukarotiti bhandantam patibhandanto akkosantam paccakkosanto paharantam patipaharanto pakatam karotiti dasseti. Na patukarotiti akkutthopi pahatopi kinci paccanikam akarontoti dasseti. 2. Talaputasuttavannana [354] Dutiye talaputoti evamnamako. Tassa kira bandhana pamuttassa talapakkassa vanno viya mukhavanno vippasanno ahosi, tenassa talaputoti namam akamsu. Svayam abhiniharasampanno pacchimabhavikapuggalo. Yasma pana patisandhi nama aniyata akase khittadandasadisa, 1- tasma esa natakule nibbatti. Vuddhippatto pana natasippe aggo hutava sakalajambudipe pakato jato. Tassa panca sakatasatani panca matugamasatani parivaro, bhariyayapissa tavataka vati matugamasahassena ceva sakatasahassena ca saddhim yam yam nagaram va nigamam va pavisati, tatthassa puretarameva satasahassam denti. Samajjavesam ganhitva pana matugamasahassena saddhim kilam karontassa yam hatthupagapadupagadiabharanajatam khipanti, tassa pariyanto natthi. So tamdivasam matugamasahassaparivarito rajagahe kilam katva paripakkananatta saparivarova yena bhagava tenupasankami. Saccalikenati saccena ca alikena ca. Titthatetanti titthatu etam. Rajaniyati ragappaccaya mukhato pancavannasuttaniharanavatavutthidassanadayo anne ca kamassadasamyutta akaradassanaka abhinaya. Bhiyyoso mattayati adhikappamanattaya. Dosaniyati dosassa paccaya hatthapadacchedadidassanakaRa. Mohaniyati mohapaccaya udakam gahetva telakaranam, telam gahetva udakakarananti evamadayo mayapabheda. @Footnote: 1 Si. khittagendusadisaThe Pali Atthakatha in Roman Character Volume 13 Page 164. http://84000.org/tipitaka/read/attha_page.php?book=13&page=164&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=3582&modeTY=2&pagebreak=1 http://84000.org/tipitaka/atthapali/rm_line.php?B=13&A=3582&modeTY=2&pagebreak=1#p164
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]