บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Saṃ.A. (sārattha.3) Page 163.
Alamariyāyoti saṅkhāto ñāṇadassanaviseso. Naggeyyāti naggabhāvato. Maṇḍeyyāti muṇḍabhāvato. Pāvaḷanippotanāyāti pāvaḷanippotanato, bhūmiyaṃ nisīdantassa ānisadaṭṭhāne 1- laggānaṃ paṃsurajavālikānaṃ phoṭanatthaṃ gahitamorapiñchamattatoti attho. 10. Gilānadassanasuttavaṇṇanā [352] Dasame ārāmadevatāti pupphārāmaphalarāmesu adhivatthā devatā. Vanadevatāti vanasaṇḍesu adhivatthā devatā. Rukkhadevatāti mattarājakāle vessavaṇo ca devatāti evaṃ tesu tesu rukkhesu adhivatthā devatā. Osadhitiṇavanappatīsūti haritakāmalakīādīsu muñjapabbajādīsu vanajeṭṭhakarukkhesu ca adhivatthā devatā. Saṅgammāti sannipatitvā. Samāgammāti tato tato samāgantvā. Paṇidhehīti patthanāvasena upehi. Ijjhissati sīlavato cetopaṇidhīti samijjhissati sīlavantassa cittapatthanā. 2- Dhammikoti dasakusaladhammasamannāgato agatigamanarahito. Dhammarājāti tasseva vevacanaṃ, dhammena vā laddharajjattā dhammarājā. Tasmāti yasmā "tena hi ayyaputta amhepi ovadāhī"ti vadatha, tasmā. Appaṭivibhattanti "idaṃ bhikkhūnaṃ dassāma, idaṃ attanā bhuñjissāmā"ti evaṃ avibhattaṃ bhikkhūhi saddhiṃ sādhāraṇameva bhavissatīti. Cittasaṃyuttavaṇṇanā niṭṭhitā. --------------- @Footnote: 1 Sī.,ka. āsanaṭṭhāne 2 Sī.,ka. cittaṭṭhapanāThe Pali Atthakatha in Roman Character Volume 13 Page 163. http://84000.org/tipitaka/read/attha_page.php?book=13&page=163&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=3564&pagebreak=1 http://84000.org/tipitaka/atthapali/rm_line.php?B=13&A=3564&pagebreak=1#p163
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]