บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๓ ภาษาบาลี อักษรไทย สํ.อ. (สารตฺถ.๓) หน้าที่ ๑๔๗.
๓. มาตุคามสํยุตฺต ๑. ปฐมเปยฺยาลวคฺค ๑-๒. มาตุคามสุตฺตาทิวณฺณนา [๒๘๐-๒๘๑] มาตุคามสํยุตฺตสฺส ปฐเม องฺเคหีติ อคุณงฺเคหิ. น จ รูปวาติ รูปวิปนฺโน ๑- วิรูโป ทุทฺทสิโก. น จ โภควาติ น โภคสมฺปนฺโน นิทฺธโน. น จ สีลวาติ สีลวิปนฺโน ๒- ทุสฺสีโล. อลโส จาติ กนฺตนปจนาทีนิ กมฺมานิ กาตุํ น สกฺโกติ, กุสีโต อาลสิโย นิสินฺนฏฺฐาเน นิสินฺโนปิ, ติฏฺฐฏฺฐาเน ฐิโตปิ นิทฺทายติ เอว. ปชญฺจสฺส น ลภตีติ อสฺส ปุริสสฺส กุลวํสปติฏฺฐาปกํ ปุตฺตํ น ลภติ, สุกฺกปกฺโข วุตฺตวิปริยาเยน เวทิตพฺโพ. ทุติยํ ปฐเม วุตฺตนเยเนว ปริวตฺเตตพฺพํ. ๓. อาเวณิกทุกฺขสุตฺตวณฺณนา [๒๘๒] ตติเย อาเวณิกานีติ ปาฏิปุคฺคลิกานิ ปุริเสหิ อสาธารณานิ. ปาริจริยนฺติ ปริจาริกภาวํ. ๔. ตีหิธมฺเมหิสุตฺตาทิวณฺณนา [๒๘๓-๓๐๓] จตุตฺเถ มจฺเฉรมลปริยุฏฺฐิเตนาติ ปุพฺพณฺหสมยสฺมึ หิ มาตุคาโม ขีรทธิสงฺโค ปน ปจนาทีนิ ๓- กาตุํ อารทฺโธ ปุตฺตเกหิปิ ยาจิยมาโน กิญฺจิ ทาตุํ น อิจฺฉติ. เตเนตํ วุตฺตํ "ปุพฺพณฺหสมยํ มจฺเฉรมลปริยุฏฺฐิเตน เจตสา"ติ. มชฺฌนฺติกสมเย ปน มาตุคาโม โกธาภิภูโตว โหติ, อนฺโตฆเร กลหํ อลภนฺโต ปฏิวิสฺสกนฆรมฺปิ คนฺตฺวา กลหํ กโรติ, สามิกสฺส จ @เชิงอรรถ: ๑ ฉ.ม. น รูปวิปนฺโน ๒ ฉ.ม. น สีลสมฺปนฺโน ๓ ฉ.ม...... รนฺธนปจนาทีนิเนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๑๔๗. http://84000.org/tipitaka/read/attha_page.php?book=13&page=147&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=3222&modeTY=2&pagebreak=1 http://84000.org/tipitaka/atthapali/th_line.php?B=13&A=3222&modeTY=2&pagebreak=1#p147
จบการแสดงผล หน้าที่ ๑๔๗.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]