8. Samugghatasaruppasuttavannana
[30] Atthame sabbamannitasamugghatasaruppanti sabbesam tanhamanaditthi-
mannitanam samugghataya anucchavikam. Idhati imasmim sasane. Cakkhum na mannatiti
cakkhum ahanti va mamanti va paroti va parassati va na mannati. Cakkhusmim
na mannatiti aham cakkhusmim, mama kincanapalibodho cakkhusmim, paro cakkhusmim,
parassa kincanapalibodho cakkhusminti na mannati. Cakkhuto na mannatiti
aham cakkhuto niggato, mama kincanapalibodho cakkhuto niggato, paro cakkhuto
niggato, parassa kincanapalibodho cakkhuto niggatoti evampi na mannati,
tanhamanaditthimannananam ekampi na uppadetiti attho. Cakkhum meti na
mannatiti mama cakkhuti na mannati, mamattabhutam tanhamannanam na uppadetiti
attho. Sesam uttanamevati. Imasmim sutte catucattalisaya thanesu 1- arahattam
papetva vipassana kathita.
9. Pathamasamugghatasappayasuttavannana
[31] Navame samugghatasappayati samugghatassa upakarabhuta. Tato tam
hoti annathati tato tam annenakarena hoti. Annathabhavi bhavasatto loko
bhavameva abhinandatiti annathabhavam viparinamam upagamanena annathabhavi hutvapi
bhavesu satto laggo lagito palibuddho 2- ayam loko bhavamyeva abhinandati. Yavata
bhikkhave khandhadhatuayatananti bhikkhave yattakam idam khandha ca dhatuyo ca
ayatanancati khandhadhatuayatanam. Tampi na mannatiti sabbampi na mannatiti hettha
gahitameva sankaddhitva puna dasseti. Imasmim sutte atthacattalisaya thanesu 3-
arahattam papetva vipassana kathita.
@Footnote: 1 Si.,ka. catucattalisadhikasatesu thanesu 2 Si.,ka. laggito palibodho
@3 Si.,ka. atthacattalisadhikasatesu thanesu
The Pali Atthakatha in Roman Character Volume 13 Page 12.
http://84000.org/tipitaka/read/attha_page.php?book=13&page=12&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=13&A=245&modeTY=2&pagebreak=1
http://84000.org/tipitaka/atthapali/rm_line.php?B=13&A=245&modeTY=2&pagebreak=1#p12
