ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๓ ภาษาบาลี อักษรไทย สํ.อ. (สารตฺถ.๓)

หน้าที่ ๑๐๑.

กโรติ. พฺรหฺมจาริปฏิญฺโญติ อุโปสถปวารณาทีสุ "อหมฺปิ พฺรหฺมจารี"ติ ปฏิญฺญาย
ตานิ กมฺมานิ ปวิสติ. อนฺโตปูตีติ วกฺกหทยาทีสุ อปูติกสฺสปิ คุณานํ ปูติภาเวน
อนฺโตปูติ. อวสฺสุโตติ ราเคน ตินฺโต. กสมฺพุกชาโตติ ราคาทีหิ กิเลเสหิ
กจวรชาโต.
    เอตทโวจาติ โคคณํ คงฺคาตีราภิมุขํ กตฺวา ปริสปริยนฺเต ฐิโต อาทิโต
ปฏฺฐาย ยาว ปริโยสานา สตฺถุ ธมฺมเทสนํ สุตฺวา "สตฺถา โอริมตีราทีนํ
อนุปคจฺฉนฺตาทิวเสน สกฺกา ปฏิปตฺตึ ปูเรตุนฺติ วทติ ยทิ เอวํ ปูเรตุํ สกฺกา,
อหํ ปพฺพชิตฺวา ปูเรสฺสามี"ติ จินฺเตตฺวา เอตํ "อหํ โข ภนฺเต"ติ อาทิวจนํ
อโวจ.
    วจฺฉคิทฺธินิโยติ วจฺเฉสุ สงฺเกตถเนหิ ๑- ขีรปฺปคฺฆรนฺเตหิ วจฺฉกสฺเนเหน
สยเมว คมิสฺสนฺตีติ. นิยฺยาเตเหวาติ นิยฺยาเตหิเยว คาวีสุ หิ อนิยฺยาติตาสุ
โคสามิกา อาคนฺตฺวา "เอกา คาวี น ทิสฺสติ, เอโก โคโณ, เอโก วจฺฉโก
น ทิสฺสตี"ติ ตุยฺหํ ปิฏฺฐิโต ปิฏฺฐิโต วิจริสฺสนฺติ, อิติ เต อผาสุกํ ภวิสฺสติ.
ปพฺพชฺชา จ นาเมสา สอิณสฺส น รุหติ, อณณา ๒- ปพฺพชฺชา จ พุทฺธาทีหิ
สํวณฺณิตาติ ๒- ทสฺสนตฺถํ เอวมาห. นิยฺยาตาติ นิยฺยาติตา. อิมสฺมึ สุตฺเต
วฏฺฏวิวฏฺฏํ กถิตํ.
                    ๕. ทุติยทารุกฺขนฺโธปมสุตฺตวณฺณนา
    [๒๔๒] ปญฺจเม กิมฺมิลายนฺติ กิมิลานามเก ๓- นคเร. สงฺกิลิฏฺฐนฺติ
ปฏิจฺฉนฺนกาลโต ปฏฺฐาย อสงฺกิลิฏฺฐา นาม อาปตฺติ นตฺถิ, เอวรูปํ สงฺกิลิฏฺฐํ
@เชิงอรรถ:  ฉ. สเสฺนหา ถเนหิ, ม. สกถเนหิ
@๒-๒ สี. อนณสฺเสว รุหติ, อนนุวชฺชา จ วิญฺญูนํ, พุทฺธาทีหิ สํวณฺณิตาติ
@ สี. กิมฺพิลายนฺติ กิมฺพิลนามเก



เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๑๐๑. http://84000.org/tipitaka/read/attha_page.php?book=13&page=101&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=2195&modeTY=2&pagebreak=1 http://84000.org/tipitaka/atthapali/th_line.php?B=13&A=2195&modeTY=2&pagebreak=1#p101


จบการแสดงผล หน้าที่ ๑๐๑.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]