9. Dutiyacetanāsuttavaṇṇanā
[39] Navame viññāṇanāmarūpānamantare eko sandhi, vedanātaṇhānamantare
eko, bhavajātīnamantare ekoti. Navamaṃ.
10. Tatiyacetanāsuttavaṇṇanā
[40] Dasame natīti taṇhā. Sā hi piyarūpesu rūpādīsu namanaṭṭhena "natī"ti
vuccati. Āgatigati hotīti āgatamhi 1- gati hoti, āgate paccupaṭṭhite kamme
vā kammanimitte vā gatinimitte vā paṭisandhivasena viññāṇassa gati hoti.
Cutūpapātoti evaṃ viññāṇassa āgate paṭisandhivisaye gatiyā sati ito
cavanasaṅkhātā cuti, tatthūpapattisaṅkhāto upapātoti ayaṃ cutūpapāto nāma hoti.
Evaṃ imasmiṃ sutte natiyā ca āgatigatiyā ca antare ekova sandhi kathitoti.
Dasamaṃ.
Kaḷārakhattiyavaggo catuttho.
------------
5. Gahapativagga
1. Pañcaverabhayasuttavaṇṇanā
[41] Gahapativaggassa paṭhame yatoti yadā. Bhayāni verānīti bhayaveracetanāyo.
Sotāpattiyaṅgehīti duvidhaṃ sotāpattiyā ca aṅgaṃ, yaṃ pubbabhāge sotāpattipaṭilābhāya
saṃvattati, "sappurisasaṃsevo saddhammassavanaṃ yonisomanasikāro
@Footnote: 1 cha.Ma.,i. āgatimhi
The Pali Atthakatha in Roman Character Volume 12 Page 82.
http://84000.org/tipitaka/read/attha_page.php?book=12&page=82&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=12&A=1828&pagebreak=1
http://84000.org/tipitaka/atthapali/rm_line.php?B=12&A=1828&pagebreak=1#p82
