Tasma "napi annesan"ti aha. Puranamidam bhikkhave kammanti nayidam
puranakammabhinibbatto panesa kayo, tasma paccayavoharena evam vutto.
Abhisankhatantiadi kammavoharasseva vasena purimalingabhavakataya 1- vuttam, ayam panettha
attho:- abhisankhatanti paccayehi katoti datthabbo. Abhisancetayitanti cetanavatthuko
cetanamulakoti datthabbo. Vedaniyanti 2- vedanaya vatthuti 3- datthabbo. Sattamam.
8. Cetanasuttavannana
[38] Atthame yanca bhikkhave cetetiti yam cetanam ceteti, pavattetiti
attho. Yanca pakappetiti yam pakappanam pakappeti, pavatteticceva attho. Yanca
anusetiti yanca anusayam anuseti, pavatteticceva attho. Ettha ca cetetiti
tebhumikakusalakusalacetana 4- gahita, pakappetiti atthasu lobhasahagatacittesu
tanhaditthikappa gahita, anusetiti dvadasannam cetananam sahajatakotiya ceva
upanissayakotiya ca anusayo gahito. Arammanametam hotiti etam cetanadidhammajatam
paccayo hoti. Paccayo hi idha arammananti adhippeto. Vinnanassa thitiyati
kammavinnanassa thitattham. Arammane satiti tasmim paccaye sati. Patittha
vinnanassa hotiti tassa kammavinnanassa patittha hoti. Tasmim patitthite
vinnaneti tasmim kammavinnane patitthite. Virulheti kammam jirapetva 5-
patisandhiakaddhanasamatthataya nibbattimule 6- jate. Punabbhavabhinibbattiti
punabbhavasankhata abhinibbatti.
No ca 7- bhikkhave cetetiti imina tebhumikacetanaya appavattakkhano 8-
vutto. No ca 7- pakappetiti imina tanhaditthikappanam appavattakkhano. 8-
@Footnote: 1 cha.Ma. purimalingasabhagataya 2 Si. vedayitanti
@3 cha.Ma.,i. vedaniyavatthuti 4 Si. tebhumakakusalacetana
@5 cha.Ma.,i. javapetva 6 cha.Ma.,i. nibbattamule
@7 cha.Ma.,i. ce 8 cha.Ma.,i. appavattanakkhano
The Pali Atthakatha in Roman Character Volume 12 Page 80.
http://84000.org/tipitaka/read/attha_page.php?book=12&page=80&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=12&A=1780&modeTY=2&pagebreak=1
http://84000.org/tipitaka/atthapali/rm_line.php?B=12&A=1780&modeTY=2&pagebreak=1#p80
