บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Sam.A. (sarattha.2) Page 39.
Tanhaditthisu hi akusalacittam patitthati, ta ca tasmim abhinivisanti ceva anusenti ca, tasma tadubhayam cetaso adhitthanam abhinivesanusayanti ca aha. Na upetiti na upagacchati. Na upadiyatiti na ganhati. Nadhitthatiti na adhitthati, kinati? atta meti. Dukkhamevati pancupadanakkhandhamattameva. Na kankhatiti "dukkhameva uppajjati, dukkham nirujjhati, na anno ettha satto nama atthi"ti kankham na karoti. Na vicikicchatiti na vicikiccham uppadeti. Aparappaccayati na parappaccayena, annassa apatissametva 1- attapaccakkhananamevassa ettha hotiti. Ettavata kho kaccana sammaditthi hotiti evam sattasannaya pahinatta ettakena sammadassanam nama hotiti missakasammaditthim aha. Ayameko antoti esa eko nikutanto lamakanto pathamakam sassatam. Ayam dutiyoti esa dutiyo sabbam natthiti uppajjanakaditthisankhato nikutanto lamakanto dutiyako ucchedoti attho. Sesamettha uttanamevati. Pancamam. 6. Dhammakathikasuttavannana [16] Chatthe nibbidayati nibbindanatthaya. Viragayati virajjanatthaya. Nirodhayati nirujjhanatthaya. Patipanno hotiti ettha silato patthaya yava arahattamagga patipannoti veditabbo. Dhammanudhammapatipannoti lokuttarassa nibbanadhammassa anudhammabhutam patipadam patipanno. Anudhammabhutanti anurupasabhavabhutam. Nibbida viraga nirodhati nibbidaya ceva viragena ca nirodhena ca. Anupada vimuttoti catuhi upadanehi kinci dhammam anupadiyitva 2- vimutto. Ditthadhammanibbanappattoti dittheva dhamme nibbanappatto. Alam vacanayati evam vattabbatam arahati, yutto anucchavikoti attho. Evamettha ekena nayena dhammakathikassa puccha kathita, dvihi tam visesetva sekkhasekkhabhumiyo nidditthati. Chattham. @Footnote: 1 cha.Ma. apattiyayetvaThe Pali Atthakatha in Roman Character Volume 12 Page 39. http://84000.org/tipitaka/read/attha_page.php?book=12&page=39&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=858&modeTY=2&pagebreak=1 http://84000.org/tipitaka/atthapali/rm_line.php?B=12&A=858&modeTY=2&pagebreak=1#p39
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]