บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Sam.A. (sarattha.2) Page 385.
Annamannavevacananevati. Imasmim pana samyutte ekadasa suttani pancapannasa veyyakarananiti veditabbani vacchagottasamyuttavannana nitthita. -------------------- 13. Jhanasamyutta 1. Samadhimulakasamapattisuttavannana [662] Jhanasamyuttassa pathame samadhikusaloti pathamam jhanam pancangikam tivangikanti dutiyam evam angavavatthanakusalo. Na samadhismim samapattikusaloti cittam hasetva kallam katva jhanam samapajjitum na sakkoti. Imina nayena sesapadanipi veditabbani. 2-55. Samadhimulakathitisuttadivannana [663-716] Dutiyadisu na samadhismim thitikusaloti jhanam thapetum akusalo, sattatthaaccharamattam jhanam thapetum na sakkoti. Na samadhismim vutthanakusaloti jhanato vutthatum akusalo, yathaparicchedena vutthatum na sakkoti. Na samadhismim kallitakusaloti cittam hasetva kallam katum akusalo. Na samadhismim arammanakusaloti kasinarammanesu akusalo. Na samadhismim gocarakusaloti kammatthanagocare ceva bhikkhacaragocare ca akusalo. Na samadhismim abhiniharakusaloti kammatthanam abhiniharitum akusalo. Na samadhismim sakkaccakariti jhanam appetum sakkaccakari na hoti. Na samadhismim sataccakariti jhanappanaya satatakari na hoti, kadacideva karoti.The Pali Atthakatha in Roman Character Volume 12 Page 385. http://84000.org/tipitaka/read/attha_page.php?book=12&page=385&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=8457&modeTY=2&pagebreak=1 http://84000.org/tipitaka/atthapali/rm_line.php?B=12&A=8457&modeTY=2&pagebreak=1#p385
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]