ATTHAKATHA Book 12 : PALI ROMAN
Sam.A. (sarattha.2)
Page 377.

                     11-18. Antavasuttadivannana
    [216-223] Antava lokoti ekato vaddhitanimittam lokoti gahena
va takkena va uppannaditthi. Anantavati sabbato vaddhitam appamananimittam
lokoti gahena va takkena va uppannaditthi. Tam jivam tam sariranti jivanca
sariranca ekamevati uppannaditthi. Sesam sabbattha uttanatthamevati. Imani
tava sotapattimaggavasena attharasa veyyakaranani ekam gamanam.
                       2. Dutiyagamanadivaggavannana
    [224-301] Dutiyam gamanam dukkhavasena vuttam. Tatrapi attharaseva
veyyakaranani, tato parani "rupi atta hoti"tiadini attha veyyakaranani,
tehi saddhim tam dutiyapeyyaloti vutto.
    Tattha rupiti arammanameva "atta"ti gahitaditthi. Arupiti jhanam "atta"ti
gahitaditthi. Rupi ca arupi cati arammananca jhananca "atta"ti gahitaditthi.
Nevarupinarupiti takkamattena gahitaditthi. Ekantasukhiti labhitakkijatissaranam
uppannaditthi. Jhanalabhinopi hi atite ekantasukham attabhavam manasikaroto evam
ditthi uppajjati. Takkinopi "yatha etarahi aham ekantasukhi, evam samparayepi
bhavissami"ti uppajjati. Jatissarassapi sattatthabhave sukhitabhavam passantassa
evam uppajjati. Ekantadukkhitiadisupi eseva nayo.
    Tatiyapeyyalo aniccadukkhavasena tehiyeva chabbisatiya suttehi vutto,
catutthapeyyalo tiparivattavasenati.
                       Ditthisamyuttavannana nitthita.
                       ------------------


The Pali Atthakatha in Roman Character Volume 12 Page 377.
http://84000.org/tipitaka/read/attha_page.php?book=12&page=377&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=12&A=8293&modeTY=2&pagebreak=1
http://84000.org/tipitaka/atthapali/rm_line.php?B=12&A=8293&modeTY=2&pagebreak=1#p377