อรรถกถาเล่มที่ ๑๒ หน้าที่ ๓๖๑.

อปณฺณตฺติกภาวูปคตกาโล วิย ขีณาสวสฺส อุปาทิณฺณกฺขนฺธเภเทน อนุปาทิเสสาย นิพฺพานธาตุยา ปรินิพฺพุตสฺส อปณฺณตฺติกภาวูปคตกาโลติ อิมาย อุปมาย สํโยชนานํ ทุพฺพลตา ทีปิตา. นวมํ. ๑๐. อนิจฺจสญฺาสุตฺตวณฺณนา [๑๐๒] ทสเม อนิจฺจสญฺาติ อนิจฺจํ อนิจฺจนฺติ ภาเวนฺตสฺส อุปฺปนฺนสญฺา. ปริยาทิยตีติ เขปยติ. สพฺพํ อสฺมิมานนฺติ นววิธมฺปิ ^๑- อสฺมิมานํ. มูลสนฺตานกานีติ สนฺตาเนตฺวา ิตมูลานิ. มหานงฺคลํ วิย หิ อนิจฺจสญฺา, ขุทฺทานุขุทฺทกานิ มูลสนฺตานกานิ วิย กิเลสา, ยถา กสฺสโก กสนฺโต นงฺคเลน ตานิ ปทาเลติ, เอวํ โยคี อนิจฺจสญฺ ภาเวนฺโต อนิจฺจสญฺาาเณน กิเลเส ปทาเลตีติ อิทเมตฺถ โอปมฺมสํสนฺทนํ. โอธุนาตีติ เหฏฺา ธุนาติ. นิธุนาตีติ ^๒- ปปฺโผเฏติ. นิปฺโผเฏตีติ ^๓- ปปฺโผเฏตฺวา ฉฑฺเฑติ. อิธาปิ ปพฺพชานิ วิย กิเลสา, ลายนํ นิปฺโผฏนํ ^๔- วิย อนิจฺจสญฺาาณนฺติ อิมินา อตฺเถน อุปมา สํสนฺเทตพฺพา. วณฺฑจฺฉินฺนายาติ ติเณฺหน ขุรปฺเปน วณฺฏจฺฉินฺนาย. ตนฺวยานิ ภวนฺตีติ ตํ อมฺพปิณฺฑํ อนุคจฺฉนฺติ, ตสฺสา ปตมานาย อมฺพานิ ภูมิยํ ปตนฺติ. อิธาปิ อมฺพปิณฺฑิ วิย กิเลสา, ติณฺหขุรปฺโป วิย อนิจฺจสญฺา, ยถา ขุรปฺเปน ฉินฺนาย อมฺพปิณฺฑิยา สพฺพานิ อมฺพานิ ภูมิยํ ปตนฺติ, เอวํ อนิจฺจสญฺาาเณน กิเลสานํ มูลภูตาย อวิชฺชาย ฉินฺนาย สพฺพกิเลสา สมุคฺฆาตํ คจฺฉนฺตีติ อิทํ โอปมฺมสํสนฺทนํ. กูฏงฺคมาติ กูฏํ คจฺฉนฺติ. กูฏนินฺนาติ กูฏปวิสนภาเวน กูเฏ นินฺนา. กูฏสโมสรณาติ กูเฏ ^๕- สโมสริตวา ิตา. อิธ ^๖- กูฏํ วิย อนิจฺจสญฺา, โคปานสิโย @เชิงอรรถ: ^๑ ฉ.ม. นววิธํ ^๒ ฉ.ม. นิทฺธุนาตีติ ^๓ ฉ.ม. นิจฺโฉเฏตีติ @^๔ นิจฺโฉฏนํ ^๕ สี. กูฏํ ^๖ ฉ.ม. อิธาปิ

เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๓๖๑. http://84000.org/tipitaka/read/attha_page.php?book=12&page=361&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=7968&pagebreak=1 http://84000.org/tipitaka/atthapali/th_line.php?B=12&A=7968&pagebreak=1#p361