romanATTHA book 12 Page 356.

Upanibaddhasunakhassa thambhanuparivattanam viya ditthitanhaya sakkaye baddhassa puthujjanassa sakkayanuparivattanam veditabbam. Sattamam. 8. Dutiyagaddulabaddhasuttavannana [100] Atthame tasmati yasmaditathigaddulanissitaya tanharajjuya sakkayathambhe upanibaddho vattanissito balaputhujjano sabbiriyapathesu khandhapancakam nissayeva pavattati, yasma va digharattamidam cittam sankilittham ragena dosena mohena, tasma. Cittasankilesati sunhatapi hi satta cittasankileseneva sankilissanti, malaggahitasarirapi cittassa vodanatta visujjhanti. Tenahu porana:- "rupamhi sankilitthamhi sankilissanti manava rupe suddhe visujjhanti anakkhatam mahesina. Cittamhi sankilitthamhi sankilissanti manava citte suddhe visujjhanti iti vuttam mahesina"ti. Caranam nama cittanti vicaranacittam. Sankha nama brahmanapasandika honti, te patakotthakam katva tattha nanappakara sugatiduggativasena sampattivipattiyo lekhapetva "idam kammam katva idam patilabhati, idam katva idan"ti dassenta tam cittam gahetva vicaranti. Citteneva cittitanti cittakarena cintetva katatta cittena cintitam nama. Cittanneva cittataranti tassa cittassa upayapariyesanam cittam tatopi cittataram. Tiracchanagata pana citteneva cittitati kammacitteneva cittita. Tam pana kammacittam ime vattakatittiradayo

The Pali Atthakatha in Roman Character Volume 12 Page 356. http://84000.org/tipitaka/read/attha_page.php?book=12&page=356&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=7862&modeTY=2&pagebreak=1 http://84000.org/tipitaka/atthapali/rm_line.php?B=12&A=7862&modeTY=2&pagebreak=1#p356