บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Sam.A. (sarattha.2) Page 344.
6. Assajisuttavannana [88] Chatthe kassapakarameti kassapasetthina karite arame. Kayasankhareti assasapassase. So hi te catutthajjhanena passambhitva passambhitva vihasi. Evam hotiti idani tam samadhim apatilabhantassa evam hoti. No cassaham parihayamiti kacci nu kho aham sasanato na parihayami. Tassa kira abadhadosena appitappita samapatti parihayi, tasma evam cintesi. Samadhisaraka samadhisamannati samadhimyeva saranca samannanca mannanti. Mayham pana sasane na etam saram, vipassanamaggaphalani saram. So tvam samadhito parihayanto kasma cintesi "sasanato parihayami"ti evam theram assasetva idanissa tiparivattam dhammadesanam arabhanto tam kim mannasitiadimaha. Athassa tiparivattadesanavasane arahattam pattassa satatam viharam dassento so sukhance vedanam vedayatitiadimaha. Tattha anabhinanditati pajanatiti sukhavedanaya tava abhinandana hotu, dukkhavedanaya katham hotiti? dukkham patva sukham pattheti, yadaggena sukham pattheti, tadaggena dukkham patthetiyeva. Sukhaviparinamena hi dukkham agatameva hotiti evam dukkhe abhinandana veditabba. Sesam pubbe vuttanayamevati. Chattham. 7. Khemakasuttavannana [89] Sattame attaniyanti attano parikkharajatam. Asmiti adhigatanti asmiti evam pavatta tanhamana adhigata. Sandhavanikayati punappunam gamanagamanena. Upasankamiti badarikaramato gavutamattam ghositaramam agamasi. Dasakatthero pana catukkhattum gamanagamanena tamdivasam dviyojanam addhanam ahindi. Kasma pana tamThe Pali Atthakatha in Roman Character Volume 12 Page 344. http://84000.org/tipitaka/read/attha_page.php?book=12&page=344&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=7595&modeTY=2&pagebreak=1 http://84000.org/tipitaka/atthapali/rm_line.php?B=12&A=7595&modeTY=2&pagebreak=1#p344
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]